22:00 - Цусан дахь лейкоцитийн тоо хоёр дахин нэмэгддэг. Энэ нь дархлааны систем өөрийн нутаг дэвсгэрээ шалгаж байгаа хэрэг. Биеийн температур унадаг. Биологийн цаг “Унтах цаг боллоо” гэсэн дохио өгнө.
23:00 - Бие суларсаар, гэвч эс бүрт нөхөн сэргээх үйл явц бүрэн дүүрэн явагдсаар байдаг.
00:00 - Ухаан мэдрэлийг зүүд эзэгнэнэ, харин тархи өдөрт авсан мэдээлэлээ боловсруулан ажилласаар байдаг.
01:00 - Хөнгөн унтана. Эмчлээгүй шүд эсвэл аль дээр гэмтсэн өвдөг өвдөн өглөө болтол унтуулахгүй.
02:00 - Бүх эрхтнүүд амардаг, зөвхөн элэг л унтаж буй биед хуримтлагдсан хорт бодисыг цэвэрлэн ажиллаж байдаг.
03:00 - Биеийн ажиллагаа буурна: артерийн даралт доод хэмжээнд хүрч, судасны цохилт, амьсгалын тоо цөөрнө.
04:00 - Тархины цусан хангамж маш бага болж, сэрэхэд бэлэн биш байна, гэхдээ сонсгол дээд зэргээр сайжирдаг учир өчүүхэн дуу чимээнээс ч сэрж болно.
05:00 - Бөөр амарч, булчингууд зүүрмэглэн, бодисын солилцоо удааширдаг ч зарчмын хувьд бие организм хэдийнээ сэрэхэд бэлэн болсон байна.
06:00 - Бөөрний булчирхайнууд цусанд адреналин болон норадреналин гормонуудыг ялгаруулж эхэлснээр артерийн даралт нэмэгдэн улмаар зүрхний цохилт ихсэхэд хүргэнэ. Хэдийгээр мэдрэл зүүрмэглэж байсан ч, бие организм сэрэхэд хэдийнээ бэлэн байна.
07:00 - Дархлааны тогтолцооны цаг. Биеийн чилээгээ гарган, шүршүүрт (халуун, хүйтэн усанд) ороход тохиромжтой цаг. Дашрамд хэлэхэд, энэ цагт эм уувал сайн.
