Энэхүү хөвдөг гэрийг санаачилсан хүн бол "Anthénea" компанийн архитектор Жан-Мишел Дюкансел юм. 

Байгаль экологид ээлтэй уг завийг далайн усыг бохирдуулах нөлөөгүй, нарны эрчим хүчээр ажилладаг болгосон тул орчин үеийн хүмүүсийн шаардлагыг бүрэн хангасан гэж хэлж болно. Дотроо мини-гал тогоо, XL хэмжээтэй унтлагын өрөө, бассейн болгон ашиглах боломжтой угаалгын хэсэг мөн зочдын өрөөтэй.

360 градус харах өнцөг бүхий цонхтой  тул эргэн тойрны гайхалтай үзэмжийг таалах боломжийг олгох юм.

Хөвдөг гэр яг л завь шиг тул танаас мэргэжлийн ур чадвар шаардахгүй бөгөөд үүгээр хүссэн газар руугаа аялж, уйдвал усанд сэлж, шумбаж болно.

Хөвдөг гэрийн дөрвөн төрөл бий. Буудлын өрөө бүхий "Anthénea Suite", спа төв "Anthénea Spa", хурлын зориулалттай "Anthénea Business" болон өөрийн хүслээр тохижуулах боломжтой "Anthénea Open" зэрэг үүнд багтана.

"Anthénea"-гийн энэхүү бүтээлийг буудлын өрөө шиг захиалж эсвэл худалдан авах боломжтой. Нэг шөнийг өнгөрүүлэхэд 330 ам.доллар харин худалдан авахад 535,000 ам.долларын өртөгтэй байх ажээ.