1
Сэрснийхээ дараа суниах агшин
Хачин сонсогдож байж болох хэдий ч, сэрснийхээ дараа суниаж буй эмэгтэй хүн халуухан, дур булаам харагддаг ажээ. Энэ үед эрчүүд тэднээс харцаа салгаж чаддаггүйгээр барахгүй, секс хийх дур хүсэл нь энгийн үеийнхээс хэд дахин ихэсдэг гэнэ.
2
Байгалиараа байгаа байдал
Ихэнх эмэгтэйчүүд гоо сайхны салоныг зорьж, олон төрлийн үйлчилгээ хийлгүүлдэг нь нууц биш юм. Гэвч энэ нь эрчүүдэд тийм ч таатай санагдаггүй бөгөөд тэд эмэгтэйчүүдийн байгалиараа байгаа гоо үзэсгэлэнд илүүтэй татагддаг байна. Тухайлбал хими хийлгэсэн, өөр өнгөөр будсан үснээс илүү намирсан урт гэзэг эрчүүдийн харааг өөрийн эрхгүй булаадаг ажээ.
3
Будаггүй төрх
Нүүр будалт хийснийхээ дараа ихэнх бүсгүйчүүдийн өөртөө итгэх итгэл нэмэгдэж, харц дээгүүр, бардам алхдаг гэж ярьдаг билээ. Гэвч залуучуудад нүүрээ будаагүй, өөрийнхөөрөө байгаа охид, бүсгүйчүүд илүү их таалагддаг байна. Энэ нь тэдний нүүр будалт эмэгтэй хүний жинхэнэ гоо үзэсгэлэнг илэрхийлж чадахгүй гэж боддогтой холбоотой гэнэ.
4
Гоолиг бэлхүүс
Үүнтэй мэдээж хэрэг маргах хүн байхгүй биз ээ. Гоолиг бэлхүүстэй бүсгүйчүүд зуны улиралд хэвлий хэсгээ ил гаргасан хувцас өмсөн явж байх үед харцаа унагадаггүй эр хүн гэж бараг үгүй болов уу. Тийм ч учраас эчрүүд гоолиг бэлхүүс хараад галзуурах дөхдөг байна.
5
Хоолонд дуртай
"Хоол бол хүн төрөлхтний бий болгосон хамгийн гайхалтай зүйл" гэж нэгэн алдартан хэлсэн байдаг. Учир нь бид хоол унд идэж, уухгүйгээр амьд явах боломжгүй шүү дээ. Тэгвэл амттай хоол хийж, хоолтой холбоотой асуудлуудад ач холбогдол өгдөг бүсгүйчүүдэд эрчүүд өөрийн эрхгүй татагддаг байна. "Эр хүнийг ходоодоор нь татах хэрэгтэй" гэж ярьдаг нь үүнтэй ч холбоотой байж болох юм.
6
Үрчлээс
Итгэх эсэх нь таны мэдэх хэрэг ч гэлээ, зарим эрчүүд эмэгтэй хүний нүүрэн дээрх үрчлээсэнд дуртай байдаг аж. Энэ нь тэдэнд тухайн эмэгтэй хүнийг туршлагатай, амьдралын идэвхтэй, зорилготой, хүчирхэг нэгэн гэсэн сэтгэгдлийг төрүүлдэг байна.
7
Нүдний шил
Нүдний шилийг дотор нь хэд хэд ангилдаг. Тэгвэл тэр дундаас ажил хэрэгч шил зүүсэн бүсгүйчүүд ямар ч төрлийн эр хүнд халуухан харагддаг. Учир нь ажил хэрэгч шил зүүсэн бүсгүйчүүд өөртөө итгэлтэй, бие даасан байдаг гэж тэд үздэг аж.
8
Борлоогүй үлдсэн цагаан хэсэг
Та арай үгүй байлгүй дээ гэж бодож байж болох юм. Тэгвэл энэ үнэхээр үнэн бөгөөд эрчүүдийн дунд явуулсан нэгэн судалгаагаар эмэгтэйчүүдийн биеийн борлоогүй үлдсэн хэсгийг эрчүүд дур булаам, секси харагддаг гэж үздэг болох нь батлагджээ.
9
Урт даашинз
Хөлөө ил гаргасан юм уу, эсвэл бие барьсан загвартай даашинзаас илүү урт загвартай, зөөлөн хэрнээ даавуун материалтай даашинз өмссөн бүсгүйчүүд эрчүүдэд таалагддаг бөгөөд нүдэнд дулаахан, даруухан, цэвэр ариухан мэдрэмжийг төрүүлдэг байна.
10
Ил гарсан хөл
Та өмнө нь хэн нэгнээс ч юм уу, эсвэл хаа нэгтэйгээс эрчүүд "Эмэгтэй хүний хөлийг харж дурладаг" тухай сонсож байсан биз дээ? Хачирхалтай мэт санагдаж байж болох ч, эрчүүд эмэгтэй хүний хэд хэдэн зүйлийг харж, дурладгийн дотор хөл багтдаг ажээ. Урт, сайхан, гоолиг хөл хараад галзуурахгүй гээд яах билээ.
