Өнгөрсөн жил тус тэмцээнд 15 улсын 71 эрэгтэй, эмэгтэй загвар өмсөгчид оролцсоноос Монгол олон Улсын моделийн холбоог төлөөлөн оролцсон эмэгтэй загвар өмсөгч Ж.Мөнгөнцацралт "Сэтгэл татам модель", "Торгоны замын супер стар" гэсэн хамгийн нэр хүндтэй шагналын эзэн болсон.

Мөн шүүгчдийн бүрэлдэхүүнд “Mongolian International Model Association”-ийн тэргүүн А.Уянга нар багтаж, улс эх орныхоо нэр хүндийг өндөрт өргөсөн билээ. “Торгоны зам” олон улсын загварын долоо хоногт оролцож буй моделиуд дэлхийн нэр хүндтэй, шилдэг дизайнеруудын зохиосон хувцсыг өмсч, амилуулдгаараа онцлог аж. Тус тэмцээнд түрүүлсэн моделиуд Азийн Олон улсын супер модель шагналтан болохоос гадна олон улсын загварын агентлагуудтай хамтран ажиллах, нэр хүндтэй загварын шоунд уригдан оролцох боломжтой болдог юм байна.

Энэ жил Макаод болох загварын шоу болон тэмцээнд Монголын олон улсын моделийн холбооноос загвар өмсөгч Н.Мишээлт, Г.Билгүүн мөн Румын улсын загвар өмсөгч  Вилканиу Даниело Роксана (Vilceanu Danielo Roxana) нар оролцохоор сонгон шалгарсан байна.