Соёмботой уулын оройд газар олгожээ. Богдхан уулын дархан цаазат газарт болон Туул голын сав дагуу олгогдсон газруудыг ямар замаар олгосныг нягтлан шалгаж байна. Энэ талаарх мэдээллийг хүн бүхэн ил тод үзэх боломжоор удахгүй хангана хэмээн Байгаль орчин аялал жуулчлалын сайд Б.Бат-Эрдэнэ өчигдөр цахим хуудсаараа дамжуулан мэдээлэв.

"Монголдоо сайхан амьдаръя" жагсаалын үеэр баривчлагдсан 20 орчим залуусыг үнэгүй өмгөөлөх уриалгыг хуульч А.Пүрэвдулам өөрийн цахим хуудсаараа дамжуулж мэдэгдсэн. Тэгвэл түүний санаачилсан энэхүү хөдөлгөөнд хуульчид нэгдэж эхэллээ. Яг одоо залуусыг өмгөөлөх хүсэлтэй өмгөөлөгч нар Дэнжийн мянгын 111-р хорих ангийн үүдэнд цуглаад байна.

Өчигдөр болж өнгөрсөн жагсаалын үеэр баривчлагдсан 20 орчим залууг үнэгүй өмгөөлөхөөр "Монголын өмгөөлөгчдийн холбоо"-ны өмгөөлөгчид Дэнжийн мянгад байрлах 111-р хорих ангийн гадаа цуглаад байна. Хуульч А.Пүрэвдулам хэлэхдээ "Өмгөөлөгчдийг ямар ч үндэслэлгүйгээр дотогш нэвтрүүлэхгүй байна. Бид хууль ёсны шаардлага тавьсан ч биелүүлэхгүй байгаа юм. Түр саатуулах хугацаа 6 цаг байдаг. Хугацаа нь өнгөрчхөөд байхад одоо хэрнээ зарим залуус гарч ирээгүй байна" гэлээ.