1
Градиент будалт
Нэг өнгөнөөс өөр өнгө рүү уусган оруулж будах нь бүсгүйчүүдийн дунд хэзээ ч моодноос гардаггүй будалтуудын нэг зайлшгүй мөн билээ. Энэхүү будалтыг хийхэд ямар ч төрлийн өнгө зохистой байдаг юм.
Гэхдээ шинэ жилийг тохиолдуулж хүйтэн төрлийн өнгөнүүдийг сонговол тохиромжтой бөгөөд дээр нь маттэ эффект оруулж өгвөл бас үнэхээр тансаг харагдах боломжтой юм.
2
Марбль бупалт
Энэхүү будалт нь таны хумсыг эрдэнийн чулуу мэт харагдуулах бөгөөд суурь өнгөөр нь мөн өвлийн хүйтэн өнгүүдийг сонгож болно. Үүний дараа хүссэн төрлийн хээгээрээ гоёх нь таны сонголт.
3
Саатай будалт
Гялтагнасан саатай төрлийн будалт нь ямар ч өнгөн дээр зохидог гэдгээрээ онцлдог. Тэр тусмаа тэмдэглэлт баярын үеэр хамгийн зохимжтой билээ.
Тэдгээрээс метал төрлийн саа нь хамгийн загварлаг, тод харагддаг. Хэрэв та мөнгөлөг эсвэл алтан саа хэрэглэхээр бол түүнийгээ үнэт эдлэл, аксесуартайгаа хослуулаарай.
4
Улаан өнгө
Улаан өнгийн будалт нь хэзээд үнэ цэнээ алддаггүй классик өнгө билээ. Мөн шинэ жилийн уур амьсгалтай зохицдог өнгө учир дээр дурдсан загваруудтай хослуулан будаснаар та энгийн бөгөөд эрхэмсэг хумсаараа үдшийг чимж чадна гэдэгт итгэлтэй байна.
