Губен өөрийн ажлаа 34 настай байхдаа эхэлсэн. 34 нас хүртлээ Губен огт дотно харилцаанд орж байгаагүй бөгөөд энэ үе хүртлээ ээж, эгч хоёртойгоо амьдарч байжээ. Өөрийнхөө хувь заяаг өөрчлөхийг хүссэн тэрээр эхлээд үрийн шингэнээ биологийн шинжилгээнд өгч, дараа нь хүүхэдтэй болохыг хүссэн эмэгтэйчүүдтэй шууд онлайнаар холбогдож эхэлсэн байна. Үйлчлүүлэгчидтэйгээ тэрээр хүүхдэд ямар нэгэн санхүүгийн болон эд материалын туслалцаа үзүүлэхгүй гэсэн гэрээг байгуулдаг гэнэ.




Одоогийн байдлаар Губен 45 охин, 35 хүүгийн эцэг юм байна. Ойрын хугацаанд мөн 10 эмэгтэй төрөх юм байна. Тэрээр хэлэхдээ: “Нэг шил үрийн шингэнийг бараг 8000 доллараар авдаг бол би үнэгүй өгдөг. Учир нь би сайн үйл хийхийг хүсэж, хүмүүсийг аз жаргалтай болгохыг хүсэж байна. Би өөрөө найз охинтой. Миний найз охин энэхүү ажлыг ихэд дэмждэг” хэмээн ярьсан байна.




Эд Губен хүүхэд хүссэн эмэгтэйд хүүхэд бэлэглэхээсээ өмнө тэр эмэгтэйтэй сайн танилцаж, сайн ээж байж чадах эсэхийг судлаж байж хүүхэдтэй болгодог гэнэ. Тэрээр зарим хүүхдүүдээ эргэж очдог аж.