1
Хөшиг бол гэрийн интерьерийн хамгийн чухал хэсэг
Өрөөний өнгө үзэмжийг дээшлүүлэх үү дордуулах уу гэдэгт цонх их чухал үүрэгтэй байдаг. Цонхны гол чухал хэсэг нь хөшиг гэдэгтэй хэн ч маргахгүй биз ээ. Гадна фасадны үзэмж, дотор өнгө үзэмжинд цонх болон хөшиг чухал үүрэгтэй. Тиймээс хөшиг цэвэрхэн, өнгө үзэмжтэй байх нь хэчнээн чухал гэдгийг манай эзэгтэй нар маш сайн мэднэ.
2
Хөшгөө угаахдаа резинэн бээлий өмсөхөө мартуузай!
Танд хэрэгтэй зүйлс:
- угаалгын нунтаг
- 3 цайны халбага давс
- 2-3 дусал метилийн хөх спирт
Зааварчилгаа:
Юуны түрүүнд хөшгөө 2 цагийн турш халуун усанд дэвтээнэ. Үүнийхээ дараа цэвэрхэн, бүлээн усанд угаалгын нунтгаа хийгээд хөшгөө угаагаарай. Ингээд хүйтэн усанд хөшгөө сойж, хөөсийг нь арилгасны дараа найруулсан уусмалдаа дэвтээнэ. Уусмалаа найруулахдаа 3 литр тутам усанд дээрх бүтээгдэхүүнүүдээ хийнэ гэдгийг санаарай. Уусмалд хөшгийг ердөө 2-3 минутын турш байлгахад л хангалттай. Эцэст нь дахин 2 цаг халуун усанд дэвтээгээд цэвэр усанд зайлснаар таны гэрийн хөшиг өнгө нь сэргэж нүд гялбам болох нээ.
3
Мэргэжлийн цэвэрлэгээний газрын ажилтнуудын хөшиг угаах жор
Танд хэрэгтэй зүйлс:
- 9 цайны халбага давс
- 1 халбага цуу
- угаалгын нунтаг
- 1 аяга метилийн спирт
Зааварчилгаа:
2 литр усанд 6 халбага давс уусгана. Уусмалдаа хөшгөө хийгээд, угаалгын машинаар угаагаарай. Үүний дараа 1 литр усанд цуугаа хийгээд 5 минутын турш хөшгөө байлгана. Хамгийн сүүлд нь мэдээж үлдсэн метилийн спиртээ 2 литр усанд хийгээд хөшгөө дэвтээхээ мартуузай. Ингээд цэвэр усанд зайлаад л болоо.
