1
Дэрний уут
Дэр болон дэрний уут нь төрөл бүрийн нянгийн эх үүсвэр болдог. Жишээлбэл: харшил үүсгэх, нян бактери тараах гэх мэт. Энэ бүхэн нь амьсгалын зам болон нүдний хараанд сөргөөр нөлөөлж уушгины багтраа үүсгэх магадлалтай. Үүнээс сэргийлэхийн тулд долоо хоногт 1 удаа дэрнийхээ уутыг угааж байгаарай.
2
Тоос сорогч
Гэрийн бүх тоос, шороог тоос сорогчоор цэвэрлэдэг гэж бодоход л ойлгомжтой байгаа биз. Тиймээс тоос сорогчийг хүн ордоггүй өрөөнд буюу харанхуй өрөөнд хадгалах нь илүү тохиромжтой бөгөөд тогтмол цэвэрлэх хэрэгтэй.
3
Тоглоомын гар
Бараг л айл бүрд тоглоомын гар байдаг байх. Та хэдэн удаа тоглоомын гар барьж тоглосон бэ? Хэр их хэмжээний нянг үлдээсэн бол?
4
Хаалганы бариул
Мэдээж та олон нийтийн газрын хаалганы бариулын цэвэр байдлыг хянаж чадахгүй. Гэхдээ гэрийнхээ хаалганы бариулд тогтмол анхаарал хандуулах хэрэгтэй бөгөөд цэвэрлэгээ хийж байх үедээ хаалганы бариулуудыг арчиж байгаарай.
5
Компьютерын гар
Мэдээж компьютерын ард суухдаа та гараа тогтмол угаадаггүй шүү дээ. Ингэж бодохоор л аймшигтай санагдаж байгаа биз. Тиймээс компьютерынхоо гарыг нойтон салфеткаар арчиж, ажлаа хийж дуусгаад гараа тогтмол угааж байгаарай.
6
Аяга таваг угаагч зөөлөвч
Зөөлөн, чийглэг бамбалзсан орчин нь нян хуримтлагдах хамгийн таатай нөхцөл болдог. Тиймээс гал тогооны алчуур, аяга таваг угаагч зөөлөвчийг тогтмол сольж байгаарай.
7
Махны мод
Сальмонелл, бүдүүн гэдэсний нян, туузан хорхой гэх мэт энэ бүх нянг та махны модноос авах боломжтой. Энэ бүхэн нь махан дотор агуулагддаг бөгөөд ялангуяа модоор хийгдсэн бол ихээр хуримтлагддаг байна. Хэрэглэсэн даруйдаа шууд угааж, ногооны, махны гэх мэт тус бүрд нь ангилж байгаарай.
