1
Ходоод гэдэсний асуудал
Кофе тайвшруулах нөлөөтэй ба бүдүүн гэдэсний үйл ажиллагааг түргэсгэх даавар ялгаруулдаг. Хэт их кофе уух нь өтгөн хатах, суулгалттай болгох, мөн ходоод, улаан хоолойн сөргөө өвчнөөр өвчлөх аюултайд хүргэдэг байна. Хэрэв таны ходоод, гэдсэнд асуудал гарсан бол хамгийн түрүүнд кофены хэрэглээгээ багасгаарай.
2
Ядарч сульдах
Кофен дахь кофейны агууламж хүний мэдрэлийн системийг идэвхжүүлж, биеийн хүч, идэвхийг 11-12 хувь нэмэгдүүлдэг. Гэсэн ч энэ нь сөрөг нөлөөтэй. Кофены найрлагад орсон аденозин гэх бодис хүний биеийг сульдааж, ядаргаанд оруулах нөлөөтэй. Тиймээс их хэмжээний кофе уусны дараа ядарч, нойр хүрж, бие сульдаж эхэлдэг. Гэхдээ өдрийн цагаар идэвхтэй, хөдөлгөөнтэй, өөрийгөө цэнэглэж чадвал ядаргаанаас сэргийлж чадна.
3
Сэтгэл түгших
Кофенд агуулагдах кофейны хэмжээ их байх тусам ядаргаа үүсгэдэг аденозиныг бууруулдаг. Хэт их тунгаар кофе хэрэглэх нь таныг сэтгэлийн түгшүүр, бухимдалтай болгох аюултай. Түүнчлэн кофе адреналины ялгаралтад нөлөөлснөөр таны зан байдал өөрчлөгдөж эхэлнэ. Хэрэв та хэтэрхий сандруу, уур бухимдалтай болж эхэлсэн бол хамгийн түрүүнд кофены хэрэглээгээ багасгаарай.
4
Нойргүйдэл
Кофейн нь таныг сэрүүн, сэргэг байлгадаг ч нойронд тань нөлөөлдөг. Их хэмжээний кофе хэрэглэснээр зайлшгүй унтах ёстой цагтаа унтаж чадахгүй сэрүүн байхад хүргэдэг. Улмаар өдрийн цагаар их ядрах нөхцөл бүрддэг аж.
5
Зүрхний цохилт түргэсэх
Зүрхний цохилт түргэсэх нь хүн бүрд тохиолдоод байдаггүй ч нийтлэг үзэгдлийн нэг юм. Ялангуяа залуу хүмүүсийн хувьд кофе тогтмол хэрэглэх нь судасны цохилтыг нэмэгдүүлдэг. Тиймээс цусны даралт, зүрхний өвчтэй хүмүүст кофе уухыг хориглодог.
6
Бодисын солилцоо түргэсэж, донтож эхлэх
Кофейн нь өөх шатаах үйлчилгээтэй ба судалгаагаар бодисын солилцооны үйл ажиллагааг 3-11 хувь нэмэгдүүлдэг болох нь тогтоогдсон. Гэсэн ч хэрэглээгээ тохиоруулж болгоомжтой байхгүй бол донтож хүний биед нэн шаардлагатай уснаас илүү кофе уух гээд байдаг сул талтай.
