1
Далайн гахайн эмчилгээ - Перу
Саруул ухаантай хүүхэдтэй болохын тулд хөл хүнд эмэгтэйн хэвлийд далайн гахайн хошууг хүргэх засал Өмнөд Америкт алдартай. Ингэснээр далайн гахайны гаргадаг өндөр давтамжтай чимээ ургийн мэдрэлийн эсүүдийг цочроож, тархийг хөгжүүлдэг хэмээн үздэг.
2
Хүрхрээ доор зогсох - Гайти
Гайтийн иргэд Saut D'Eau хэмээх хүрхрээний усан доор зогссоноор аливаа өвчин илааршиж, бие сэтгэл нь ариусдаг хэмээн итгэдэг. Домогт өгүүлснээр Гэгээн Мария тус хүрхрээний ойролцоох дал модны орой дээрээс гарч ирсэн гэдэг ажээ.
3
Эмгэн хумсны эмчилгээ - Япон
Токио хотын уламжлалт гоо сайхны салонуудад үйлчлүүлэгчийн нүүрэн дээр эмгэн хумс мөлхүүлдэг. Эмгэн хумсны салст арьсыг уян хатан болгож, хуурайшлыг үгүй хийдэг хэмээн үздэг аж.
4
Оточ загас - Турк
"Garra rufa obtusas" хэмээх зүйлийн загасаар дүүрэн бассейнд орсноор арьсны үлд өвчин эдгэдэг гэж Туркчүүд үздэг байна. Энэхүү эмчилгээг хийдэг сувиллын газар үйлчлүүлэгчид 21 хоногийн турш өдөрт 4 цагаар загастай бассейнд орно.
5
Нети резин - Энэтхэг
Энэтхэгийн уламжлалт иогийн нэг хэлбэр болох "нети" гэдэг нь тусгай резинэн утсыг хамрын нүхээр оруулаад амаар гаргаж, нааш цааш нь татах явц юм. Ханиад томуу, астма "нети"-ийн ачаар түргэн илааршдаг гэж итгэдэг аж.
6
Төмөр зам дээр хэвтэхүй - Индонези
Төмөр замаар дамждаг цахилгаан энерги төрөл бүрийн өвчнийг анагаадаг гэх тул Индонезичууд зураг дээрх шиг хэвтэцгээдэг байна.
7
Амьд загас залгих - Энэтхэг
Жил бүрийн 6-р сард Хайдерабад хотын нэгэн ах дүү хоёр амьд загасыг танд дүрж, астма болон амьсгалын замын өвчтэй хүмүүст залгиулах эмчилгээ хийдэг. Энэ үеэр мянга мянган хүн тэдний гэрийн гадаа цуггладаг байна.
8
Яст мэлхийн эмчилгээ - Камбож
Яст мэлхий, могой зэрэг мөлхөгч амьтдыг биеийн өвчтэй хэсэгтээ хүргэх эмчилгээ Камбожид тун алдартай. Ялангуяа хэрх өвчин болон арьсны төрөл бүрийн өвчтэй хүмүүс нэн түрүүнд энэ эмчилгээг сонгодог аж.
9
Эвэр бумба - Индонези
Хуян хөөрөх, толгойн өвчин, үе мөчний өвчин зэргийг намдаахад шилэн саваар бус үхрийн эврээр бумба тавих нь илүү үр дүнтэй гэж Индонезичууд үздэг.
10
Халуун элс - Египет
Өдрийн хамгийн халуун үед элсэнд булуулах эмчилгээ нь үе мөчний өвчинг анагааж, эрчүүдийн бэлгийн чалхыг сайжруулдаг хэмээн үздэг.
11
Зөгийнд хатгуулах - Палестин
Зөгийн хор нь унаж татдаг, нурууны өвчтэй, сонсголын гажигтай, харшилтай хүмүүст сайн гэж үздэг.
12
Хилэнцэт хорхой, цагаан гааны эмчилгээ - Хятад
Саажилттай хүний нүүрэн дээр үхсэн хилэнцэт хорхой, цагаан гааны хэрчим тавих Хятадын уламжлалт эмчилгээ бий.
13
Үхрийн шээс - Камбож
Үхрийн шээсийг уух нь төрөл бүрийн өвчин илааршихад тустай гэж Камбожийн уламжлалт эмчилгээнд итгэгсэд үздэг.
14
Шавар эмчилгээ - Хятад
Хятадын сувиллын газруудад эрдэст шавар доор хэвтэх эмчилгээг санал болгодог. Хэрх үеийн үрэвсэл, захын мэдрэлийн системийн өвчинд энэ эмчилгээ нь тустай гэжээ.
15
Хушганы ясан төөнүүр - Хятад
Нүүрний саажилтыг анагаахын тулд өвчтөний нүдэн дээр хушга тавьж, агь өвсөөр чихэнд нь төөнүүр хийх эмчилгээ Хятадад бий.
