Хүнд өвчтэй бүсгүй интернэт од болжээ

23 настай Британийн иргэн Бетани Таунсенд нь "Крон" хэмээх өвчтэй юм байна. Гэхдээ тэрээр өөрийн энэ байдалдаа шантраагүй бөгөөд усны хувцастай, ялгадас агуулах ууттай зургаа цахим ертөнцөд нийтэлсэн аж. Ийнхүү энэ зурагны ачаар Бетани цахим ертөнцийн од болжээ.

Түүний нөхрийнхөө хамтаар Мексикт амарч байхдаа авахуулсан гэрэл зураг 200,000 гаруй “лайк” цуглуулсан бөгөөд 10,000 гаруй сэтгэгдлийг хүлээж авсан байна. Бүсгүй энэ хүнд, ховор өвчнөөр 3 настайгаасаа эхлэн өвдсөн бөгөөд 2010 онд хордлогоос болж нас барангаа алдсан учир моделийн бизнесээс татгалзахаас аргагүй болсон аж. Азаар бүсгүйн амийг аварсан боловч хагалгааны дараа ялгадас агуулах ууттай сэрсэн байна.

“Нөхөр маань намайг чи гайхалтай галбиртай учир усны хувцас өмсөх хэрэгтэй гэж хэлсэн бөгөөд би яагаад болохгүй гэж бодсон учир ийнхүү зургаа даруулсан юм. Хүн бүр над руу харах болов уу хэмээн ихээр айж байсан ч бүх зүйл сайхан болсон” -хэмээн бүсгүй ярьжээ.

"Харин миний гэрэл зургийг "крон"-ны өвчний эсрэг тэмцэгч байгууллагынхан цахим хуудсандаа нийтэлсэн байсан"- хэмээн нэмж хэлсэн байна. Бетанигийн өөртөө итгэх итгэл бусдад ч найдвар төрүүлнэ гэдэгт Бетани болон түүний нөхөр итгэж байгаа гэнэ.

Кроны өвчин гэдэг нь хоол боловсруулах эрхтэн, нарийн бүдүүн гэдэс, ходоод болон амны хөндийн архаг үрэвсэл юм. Энэ өвчин нь ямар ч насны хүнд илэрч болох бөгөөд 15-30 насныханд ихээхэн тохиолддог байна. Хэдийгээр энэ өвчин хүнд хэлбэрийн өвчний тоонд багтах ч, сайн эмчилгээ хийлгэснээр урт хугацааны турш амьдрах боломжтой аж.