Мексик улсын Сонорагийн цагдаагийн газарт нөхрөө хутгалж шархдуулсан хэргээр Леонара Н. гэгч эмэгтэйг баривчлагджээ. Түүний нөхөр болох Хуан Н. гар утсандаа өөр эмэгтэйтэй авхуулсан зургаа хадгалж байсан нь Леонарагийн тэвчээрийг барж, ийм үйлдэл хийхэд хүргэсэн байна. 

Үнэн хэрэгтээ зураг Леонарагийн залуу насны зураг байсан ч залуухан, үзэсгэлэнтэй байсан өөрийгөө танилгүй, нөхрөө хардаж биед нь хохирол учруулсан аж. 

Түүнийг хутга барьж дайрахад Хуан бүхнийг тайлбарлаж амжилгүй, шархдсан бөгөөд дараа нь нарийн учрыг хэлж, эхнэртээ ойлгуулж чадсан ч хөршүүд нь хэдийнээ цагдаад дуудлага өгсөн байжээ. 

Энэ үйл явдлаас болж цахим сүлжээнд хосуудын хоорондох итгэлцлийн асуудлыг интернет хэрэглэгчид ихээхэн хөндөөд байгаа юм. Үүний дунд өчүүхэн жижиг зүйлээс болж харилцаандаа хэзээ ч арилшгүй сэв суулгахгүй байхыг анхааруулах хүмүүс олон байлаа.