1
Нүднээс яагаад нулимс гардаг вэ?
Нүднээс байнга бага зэргийн нулимс гарч байдаг бөгөөд энэ нь нүдийг хамгаалах үүрэгтэй байдаг байна. Харин байнга нулимс гарах нь нүд өвдсөнтэй холбоотой байж болох юм.
Эрүүл хүний нүд өдөрт 1 мл нулимсыг ялгаруулдаг. Мэдээж, хэрвээ та уйлаагүй, эсвэл гадны биет нүдэнд тань ороогүй бол шүү дээ. Харин нүд өвчилсөн үед өдөрт ялгарах нулимсны хэмжээ 10 мл болон нэмэгддэг аж. Энэ нь дараах шалтгаантай:
- Нүд улайх
- Хараа бүрэлзэх
- Өнгөний мэдрэмж буурах
2
Шалтгаан:
- Стресс (мэдрэлийн систем хэт ачаалласнаар нүднээс нулимс гарах нь бий)
- Харшил (харшлын үед нүд улайх, загатнах, нулимс гоожих шинж тэмдэг илэрдэг)
- Гадны биет орох (тоос шороо, шавьж)
- Нүдний шил болон контакт линз нүдэнд тохироогүй бол
- Хэт их айх
- Толгой хүчтэй өвдөх
- Хөгшрөлттэй холбоотой
- А болон В2 витамины дутагдал
- Ханиад хүрсэн үед нүднээс нулимс ихээр гарч болно.
Хэрвээ таны нүднээс байнга нулимс гараад байвал дараах шалтгаантай байж болох юм.
3
Ядаргаанд орох
Хэрвээ та хэт их ядарч, түүнээсээ болоод нүднээс чинь нулимс гараад байгаа бол өдөрт унтах цагаа бага зэрэг ихэсгэж, мөн компьютер, зурагт, гар утас хэрэглэж байхдаа нүдээ 30 минут тутамд амрааж байх хэрэгтэй.
4
Нүдэнд гадны биет орох
Хэрвээ нүдэнд тань гадны биет орсон бол хэзээ ч гараараа авч болохгүйг санаарай. Учир нь хүний гар таны төсөөлж байгаагаас ч илүү бохир аж. Түүнчлэн хурц юмаар авахыг оролдож болохгүй. Хэрвээ нүдэнд гадны биет орсон даруйд нулимсаар гадагшлахгүй бол шууд л эмчид хандах нь зүйтэй.
5
Цохиулах, бэртээх
Хэрвээ та нүд рүүгээ цохиулж, эсвэл ямар нэгэн юманд нүдээ цохиж гэмтээсэн бол нулимс гарч болох юм. Нүд бол хүний хамгийн эмзэг эрхтэн тул та гэмтээсэн даруйдаа эмчид хандаарай.
6
Харшил
Харшлын үед нүднээс нулимс гарах нь элбэг байдаг бөгөөд та эмнэлэгт үзүүлж, өөртөө тохирсон эм, нүдний дусаалгыг хэрэглэж байгаарай.
7
Ханиад хүрэх
Амьсгалын замын өвчин, ханиад томууны үед нүднээс нулимс гарах нь бий.
8
Амин дэмийн дутагдал:
Хэрвээ дээр дурдагдсан шалтгаанууд танд байхгүй бөгөөд нүднээс чинь нулимс гоожсон хэвээр бол таны биед амин дэм дутагдсан байж болох юм. Энэ үед та В2, А витаминаар баялаг хүнс буюу ногоон өнгөтэй хүнсний ногоо, элэг, улаан лооль, өндөг, загас, лууван, бяслагийг өргөнөөр хэрэглээрэй.
Хэрвээ таны нүднээс удаан хугацаанд нулимс гарч, ямар арга хэмжээ авахаа мэдэхгүй байвал заавал эмчид хандаарай!
