Энэ булан нь эротик материал агуулж байгаа бѳгѳѳд хэрвээ та 18 нас хvрсэн бол "18нас хүрсэн" товчон дээр дарах, эс бѳгѳѳс "хаах" товчон дээр дарна уу!
Тамхи татдаг хүн туранхай байдаг гэсэн ерөнхий ойлголт байдаг шүү дээ. Гэвч энэ нь эндүүрэл гэдгийг судлаачид тогтоосон байна. Бид та бүхэндээ шинжлэх ухааны үндэслэлтэй тайлбарыг хүргэхээр бэлтгэлээ.
Кейт Мосс, Наоми Камфбел зэрэг алдартай загвар өмсөгчдийн жишээгээр бол тамхи татах нь жин нэмэх шалтгаан болохгүй байх магадлалтай. Гэвч өдөр бүр тамхи татах нь жин нэмэх үндэс болдог байна. Учир нь тамхи татдаг хүмүүс татдаггүй хүмүүстэй харьцуулахад өдөр бүр 200ккал илүү авдаг байна.
Хэдийгээр хоол идэх дур хүслийн бууруулдаг ч жингээ хасах гэж буй хэн нэгэнд тамхи татах нь зөв зүйтэй шийдэл ажээ. Энэхүү судалгаанд нийт 5300 хүнийг хамарсанаар тамхи татах нь жин нэмдэг болохыг баталжээ. Энэ нь тамхи татдаг хүмүүс ихэвчлэн эрүүл бус хооллолтын дэглэмтэй байдагтай холбон тайлбарлажээ. Тэд өдөрт нэг грамм хоол хүнс идэх бүртээ 0.23ккал илүү авдаг гэжээ.
Тамхи татдаг хүмүүс нь эрүүл мэнддээ тийм ч их анхаарал тавиад байдаггүйгээс гадна тэд идэж буй зүйлдээ ч анхаарал бага хандуулдаг байна. Мөн урьд нь хийгдэж байсан судалгаагаар тамхи татдаг хүмүүс татдаггүй хүмүүсээс бага хэмжээний ногоо, жимсийг хэрэглэдэг гэжээ.
"Йель" болон "Фэйрфиелд" их сургуулийн багийнхан хамтран тамхичин болон тамхи татдаггүй хүмүүсийн өдөрт авч байгаа ккал-ын хэмжээг судласан байна. Харин "Фэйрфиелд" их сургуулийн судлаач Доктор Жакүйлин Вернажелли (Jacqueline Vernarelli): "Тамхи татдаг хүмүүс нь их калори агуулсан бага хэмжээний хоол хүнс хэрэглэдэг. Харин тамхи татдаггүй хүмүүс эсрэгээрээ их хэмжээтэй ч бага калоритой хоол, хүнс хэргэлдэг" гэжээ.
