Товчоор хэлбэл, зүрхний тодорхой нэг хэсэгт хүчилтөрөгч дутагдсанаас зүрхний шигдээс үүсдэг. Зүрхэнд тэжээл өгдөг хамгийн гол судсыг титэм судас гэх бөгөөд энэ судсаар дамжин зүрхэнд хүчилтөрөгч очно. Харин буруу хооллолт, хөдөлгөөний дутагдал гэх мэт олон шалтгааны улмаас зүрхний судас бөглөрч, зүрхний шигдээсийг үүсгэдэг байна.
Зүрхний шигдээс өвчинтэй эсэхийг мэдэх шинж тэмдэг:
- Ядрах: Гэнэт ядарч, сульдан, цээж орчим хөндүүрлэн өвдөх нь энэ өвчний шинж тэмдэг байх магадлалтай.
- Хөлрөх, амьсгал давчдах: Ажил тарсны дараа, эсвэл их ажлын дараа амрах үед амьсгал давчдах, хөлрөх шинж тэмдэг илэрч байгаа бол яаралтай эмчид хандаарай.
- Өвдөлт зөвхөн цээжээр зогсохгүй байвал: Зүрхний шигдээсийн үед цээжээр өвдөхөөс гадна нуруу, гар, хөл ч өвдөж болно.
Эмэгтэйчүүд зүрхний шигдээс өвчний үед түгээмэл илрэх шинж тэмдгүүд:
- Дотор муухайрах
- Амьсгалахад хүндрэл учрах
- Толгой эргэх
- Гэдэс, хэвлийгээр өвдөх
- Гар, эрүү ам, нуруу, хүзүү өвдөх
Харин одоо бид та бүхэндээ зүрхний шигдээс өвчнөөс урьдчилан сэргийлэх 9 аргыг зааж өгье!
1
Турмерик буюу куркума хэрэглэх
Дээр дурдсанчлан, зүрхний шигдээс нь зүрхний титэм судасны бөглөрлөөс болж үүсдэг тул, куркумаг тогтмол хэрэглэх хэрэгтэй. Ингэснээр судас бөглөрөх аюулаас сэргийлэх боломжтой.
2
Сахарын хэрэглээг багасгах
Сахарыг их хэмжээгээр хэрэглэдэг хүн зүрхний шигдээс тусах магадлал жирийн хүнээс 30%-иар илүү байдаг байна.
3
С витамин болон загасны тос хэрэглэх
Титэм судасны бөглөрлөөс сэргийлэх хамгийн найдвартай арга нь С витамин хэрэглэх гэдгийг анагаах ухаан аль хэдийн нотолсон. Түүнчлэн өдөр тутамдаа загасны тосыг хэрэглэж занших нь зүрх, судасны үйл ажиллагаанд сайнаар нөлөөлөх болно.
4
Kали хэрэглэх
Кали нь цус бүлэгнэлтэд сайнаар нөлөөлж, цусыг хүчилтөрөгч, шим тэжээлээр хангаснаар, зүрх судасны өвчин тусах эрсдлийг бууруулдаг.
5
Сармис идэх
Сармис нь цусны даралтыг буурууулж, зүрхний шигдээс өвчнөөс урьдчилан сэргийлдэг байна. Тиймээс та өдөр тутмын хоол хүнсэндээ сармисыг өргөнөөр хэрэглэж байгаарай.
6
Жимс, ногоо идэх
Өдөр тутамдаа жимс, хүнсний ногоог өргөнөөр хэрэглэвэл, зүрхний шигдээс тусах эрсдлийг 20%-иар бууруулна.
7
Тамхиа хаях
Тамхи татах нь цус бүлэгнэлтэд сөргөөр нөлөөлдөг бөгөөд хорт бодисын үйлчлэл нь хэдэн жилийн дараа л биеэс гадагшилдаг байна.
8
Бясалгал хийх
2012 онд хийгдсэн нэгэн судалгаанаас харвал, бясалгал нь зүрхний шигдээс, цус харвах эрсдлийг бууруулахад маш сайн нөлөөтэй ажээ.
9
Идэвхитэй дасгал хөдөлгөөн хийх
Дасгал хөдөлгөөн хийж, идэвхтэй амьдарч байгаа хүмүүс зүрх судасны өвчнөөр өвдөх магадлал маш бага байдаг. Харин хэт их дасгал нь зүрхэнд муугаар нөлөөлөх тул өөрийгөө хэт хүчлэх хэрэггүй.
Танд амжилт хүсье!
