1
Нуруу, нугасны өвчинг намдааж, гэмтэл авахаас сэргийлнэ
Энэхүү дасгал нь сээр нуруу, болон нугасанд төдийлөн ачаачал өгдөггүй. Тиймээс ч тус төрлийн асуудалтай хүмүүс бага багаар биедээ дасгаж хийхэд ямар нэгэн асуудал учрахгүй юм. Тус дасгалыг хийснээр, нурууны өвдөлт намддаг байна.
2
Бодисын солилцоо болон гэдэсний гүрвэлзэх хөдөлгөөн сайжирна
Хийж эхэлсэн эхний өдрөөс л эхлэн, таны бодисын солилцоо сайжирч, илүүдэл өөх шатаж эхэлдэг. Ажлын дараа эсвэл өмнө ердөө 10 минутыг зарцуулж, планк хийхэд таны гэдэсний гүрвэлзэх хөдөлгөөн сайжирч, нойрондоо ч сайн болно.
3
Нурууны бөгтөр арилна
Нуруугаа бөхийлгөх нь таны сайн мэдэхгүй олон эд эрхтэнд нөлөөлж, сөрөг үр дагаврыг авчирдаг. Тиймээс сууж байхдаа, зогсох, алхахдаа хүртэл аль болох цэх байх хэрэгтэй. Тус дасгалыг хийж эхэлснээр, таны нурууны бөгтөр арилж, цэх шулуун биетэй болох аж.
4
Тэнцвэрийг хадгална
Та урьд нь нэг хөл дээрээ тэнцвэрээ олж зогсохын давуу талуудыг сонсож байсан уу. Энэ нь биед гайхалтай олон нөлөөг үзүүлдэг. Жишээ нь, нуруу болон биеийн уян хатан чанарыг сайжруулаад зогсохгүй, илүүдэл жинтэй тэмцдэг юм. Хэрвээ та хичнээн хичээгээд ч ийнхүү тэнцвэрээ хадгалж чадахгүй бол, хэвлийн булчиндаа илүү анхаарах хэрэгтэйг сануулж байна. Тус дасгалыг өдөр бүр, тогтмол хийж хэвшсэнээр та удахгүй тэнцвэрээ олж чадах болно.
5
Хэвлий болон гуяны булчинг чангална
Та одооноос эхлэн планк дасгалыг хийж, хэвлий болон өгзөг, нурууны арын булчин, гуяны хажуугийн булчингуудад ачаалал өгч, тэдгээрийг аль болох хөгжүүлэх хэрэгтэй. Ингэснээр хүнд зүйл өргөхөд таны нуруу болон аарцганд ирэх ачаалал нь багасах юм.
6
Уян хатан болно
Тус дасгалыг хийснээр бидний шөрмөс болон булчингууд амарч, илүү уян хатан болдог. Мөн мөр болон эгэмний ясыг эгцэлж, биеийг зөв цэгцтэй харагдуулдаг байна.
7
Илүү идэвхитэй амьдарна
Дасгал хийснээр бие стресс, уур бухимдлаас ангижирч, илүү тайван амгалан болдог. Хамгийн сонирхолтой нь дасгал хийхэд, биеийн бүхий л булчин амарч, сэтгэл гутралаас биднийг хамгаалдаг байна. Иймд амьдралын идэвхтэй хэвшлийг сонгох нь зүйтэй.
Та планк дасгал хийх аргыг энэхүү бичлэгээс сурч аваарай!
Тус дасгалуудыг заавал зориулалтын спорт зааланд хийх шаардлагагүй бөгөөд гэртээ байхдаа ердөө 10 минутыг зарцуулахад хангалттай юм. Танд амжилт хүсье!
