1 "Vicky Cristina Barcelona" - 2008 он

Гол дүр: Пенелоп Круз (Penelope Cruz), Хавьер Бардем (Javier Bardem)

Дэлхийн хэд хэдэн улсуудад нээлтээ хийж, багагүй ашиг орлого олсон цөөн хэдэн Испани кинонуудын нэгт гэр бүл болоод удаагүй дурлалт хосуудын дүрийг бүтээсэн жүжигчид дүрдээ илүү бодитой орохын тулд чадварлаг жүжиглэсэн байна. Эцэст нь тэд бодит амьдрал дээр аз жаргалтай хосууд болж, гэрлэсэн билээ.

2 "Cruel Intentions" - 1999 он

Гол дүр: Рийз Уитерспүүн (Reese Witherspoon), Райн Филлипп (Ryan Phillippe)

Тэднийг кино зураг авалтын явцад бие биендээ сайн болсон байсныг кино багийнхан болон найруулагч хэдийн гадарласан байсан бөгөөд энэ нь ч магадгүй киног илүү бодитой болгоход тус нэмэр үзүүлсэн байж болох юм. 

3 "L'appartement" - 1996 он

Гол дүр: Моника Беллуччи (Monica Bellucci), Винсент Касселл (Vincent Cassell)

Кино урлагийн салбарт хөл тавьсан бүсгүйчүүдээс хамгийн үзэсгэлэнтэйд зүй ёсоор тооцогдох Моника Беллуччи тухайн үед Францаас төрөн гарч ирж байсан залуухан жүжигчин залуугийн хамт уг киноны гол дүрийг бүтээсэн юм. Хамгийн сонирхолтой нь Моника Беллуччиг Франц залууд сэтгэл алдрана гэж хэн санах билээ.

4 "The Rum Diary" - 2010 он

Гол дүр: Жонни Депп (Johnny Depp), Эмбер Хөрд (Amber Heard)

Киноны зураг авалт дууссаны дараа жүжигчин Жонни Депп үзэсгэлэнтэй шаргал үст бүсгүйд гэрлэх санал тавьж байсан бөгөөд энэ нь тухайн үед олон нийтийг шуугиулж байсан ажээ. 

5 "Step Up" - 2006 он

Гол дүр: Чэннинг Татум (Channing Tatum), Женна Дуэйн (Jenna Duane)

Тэд киноны үеэр анх танилцаж, улмаар нэг нэгэндээ сэтгэлтэй болж, удалгүй гэр бүлээ батлуулсан цөөн хэдэн жүжигчдийн төлөөлөл билээ. Өнөөдөр тэд хамтдаа сайхан амьдарч байгаагаар барахгүй, хэдийн эцэг, эх болцгоожээ.

6 "Gigli" - 2003 он

Гол дүр: Женнифер Лопез (Jennifer Lopez), Бен Аффлек (Ben Affleck)

Дуучин, жүжигчин Жэй Ло (Jay Lo) болон Холливуудын хамгийн халуухан эрэгтэй жүжигчдийн нэг болох Бен Аффлек нарыг мэдэхгүй хүн цөөхөн биз ээ. Харин тэднийг дээрх киноны үеэр хайр сэтгэлийн холбоотой болсон гэдгийг мэдэх хүн цөөхөн байдаг болов уу? 

7 "Days of Thunder" - 1990 он

Гол дүр: Николь Кидмэн (NIcole Kidman), Том Круйз (Tom Cruise)

Нэгэн үеийн кино урлагийн салбарын сор жүжигчид болох Николь Кидмэн болон Том Круйз нар зураг авалтын үеэр хайр сэтгэлийн холбоотой болж байжээ. Тэд өнөөдөр 2 хүүхдийн эцэг, эх болцгоож, аз жаргалтай, сайхан амьдарч байгаа юм.

8 "Alfie" - 2004 он

Гол дүр: Жюд Ло (Jude Law), Сьенна Миллер (Sienna Miller)

Уг киног нээлтээ хийхийг нь хүмүүс хоног тоолон хүлээж байсан бөгөөд нээлтийн үйл ажиллагаа амжилттай болж өнгөрсний дараа гол дүрийн жүжигчдийг хайр сэтгэлийн холбоотой болсон тухай мэдээлэл цацагдаж, үзэгчдийн баяр дээр улам баяр нэмсэн үйл явдал болж байсан ажээ.

9 "Mr. & Mrs. Smith" - 2005 он

Гол дүр: Брэд Питт (Brad Pitt), Анжелина Жоли (Angelina Jolie)

Тэдний хайр сэтгэл 2005 онд уг кинонд тоглож байх үеэс эхэлсэн бөгөөд хосууд хамтдаа 11 жил амьдарсны эцэст өнгөрсөн жил буюу 2016 онд гэр бүлээ албан ёсоор цуцлуулсан билээ. 

10 "The Amazing Spider-Man" - 2012 он

Гол дүр: Эндрью Гарфилд (Andrew Garfield), Эмма Стоун (Emma Stone)

Хүн аалз киног үзэж байгаагүй, үзэх дургүй хүн гэж бараг байхгүй биз ээ. Тэгвэл 2012 онд нээлтээ хийсэн уг киноны гол дүрийг бүтээсэн авъяаслаг, залуу жүжигчид бие биендээ дурлаж, үерхэж эхэлсэн бөгөөд өнөөдрийг хүртэл хайр сэтгэлийн түүхээ үргэлжлүүлэн бичсээр байгаа ажээ.