1 Жин хасахад туслана

Өглөөний цай ууж хэвшсэнээр бие тань эрүүлжиж, турах нөхцлийг бүрдүүлдэг. Та хичнээн их дасгал хөдөлгөөн хийсэн ч, турж чадахгүй байгаа нь өглөөний цайгаа уулгүй, уураг, шим тэжээл авч чадахгүй байгаатай холбоотой ажээ. Эрүүл биетэй хүн хамгийн хурдан турдаг гэдгийг санаж явахад илүүдэхгүй биз ээ.  

2 Тархийг сэргээнэ

Сэтгэн бодох чадвар, ой тогтоолтыг сэргээдэг зүйл бол өглөөний цай байдаг. Өглөөг эрч хүчээр дүүрэн, амттай хоол идэж эхлүүлсэн тохиолдолд толгой сайн ажиллаж, тухайн өдрийг баяр хөөртэй, эерэг энергээр дүүрэн өнгөрүүлэх боломжийг олгодог байна. . 

3 Уураг, шим тэжээл өгнө

Судалгаагаар өдөр бүр өглөөний цай ууснаар тухайн хүн шим тэжээл, амин дэм авч, ямар ч асуудалд бухимдаж шаналалгүй өөдрөг, эрч хүчтэй байдаг болохыг тогтоожээ. Үүнээс гадна бие эрхтэн болон сэтгэл санааг эмчилж, эрүүл сайхан байлгадаг гэнэ. 

4 Хоол боловсруулах системийг сайжруулна

Өдөр бүр өглөөний цай уух нь хоол боловсруулах системийн үйл ажиллагааг дэмжиж, эрүүлжүүлдэг. Харин хоол боловсруулах систем зөв дарааллаар ажилласнаар хоолыг түргэн шингээж, өөхийг шатаан, таргалахаас сэргийлдэг ажээ. 

5 Стресс, бухимдлыг дарна

Стресс бухимдал өлсөхөөс үүдэлтэй гэхэд буруудахгүй болов уу? Харин өглөөний цайгаа уувал сэтгэл тань сэргэж, өдрийн хоолондоо хэт их зүйл идэж, ходоод гэдсээ өвчлүүлэхээс давхар сэргийлэх үндэс болдог байна. 

6 Биеэ хөгжүүлэхэд туслана

Биеэ хөгжүүлж, сайхан болгохыг хүсдэг хүмүүс өглөөний цайг хэрхэвч алгасч болохгүй. Учир нь өглөөний цайгаа ууснаар биед олон төрлийн амин дэм нөхөгдөж, эрч хүчийг бэлэглэдэг байна. 

7 Өвчин тусах магадлалыг бууруулна

Та өглөө бүр цайгаа ууснаар чихрийн шижин, даралт буурах, цусан дахь глюкозын дутагдал зэрэг өвчлөлөөс өөрийгөө сэргийлж, эрүүл, аюулгүй, урт удаан амьдрах боломжтой юм.

8 Аз жаргал бэлэглэнэ

Өглөөний цайгаа ууснаар та илүү их аз жаргал, баяр хөөрийг мэдрэх болно. Үүнийг судалгаагаар тогтоосон бөгөөд гэрээсээ хоосон ходоодтой яаран гарсан хүмүүс бухимдал ихтэй байдаг төдийгүй сөрөг энергээр өөрийгөө цэнэглэдэг гэнэ шүү.

9 Зүрхэнд эерэг сайнаар нөлөөлнө

Цусан дахь холестерины хэмжээг тэнцвэржүүлж, зүрхийг эрүүл байлгахад өглөөний цай тусладаг. Иймд та эрүүл, урт удаан, аз жаргалтай амьдрахыг хүсч байвал ердөө өглөө бүр эртлэн босч, өглөөний цайгаа ууж байхад л хангалттай юм. 

10 Гэр бүлийн харилцааг сайжруулна

Өглөө босоод хэдэн тийшээ яарч гүйлдэхийн оронд хэдхэн минут хамт суугаад хооллох нь тухайн гэр бүлийн уур амьсгалыг сайжруулж, аз жаргалыг бэлэглэнэ. Эзэгтэй та арай эртхэн босч, амттай өглөөний цай бэлтгээд хайртай хонгор үрс, халамжит ханиа сэрээж, хамтдаа өглөөний цайгаа ууж хэвшээрэй.