1
Би чамд юугаар туслах вэ?
Тайвшруулах үг хэлэхээс илүү бодит тусламж үзүүлэх нь хамгийн чухал. Тухайн хүн хүндхэн асуудалд орж харин та тусалж чадахаар бол туслах хэрэгтэй. Зарим тохиолдолд таны хүч хүрэхгүй байж болно. Гэхдээ тухайн хүн таныг түүнд туслахад бэлэн байгааг харж танд найдаж болохыг ойлгоно. Та тусалж чадахгүй байсан ч найз тань, ойр дотны хүн тань, ажлын хамтрагч тань хэн нэгэн түүнийг дэмжиж байгаа гэдгийг мэдэж байгаа учир илүү тайван байж чадна.
2
Чамд одоо ямар байгааг би ойлгож байна
Та өөрөө уг асуудлыг хэрхэн давж туулснаа санаарай. Тэр мөчид та ганцаардаж байсан болов уу.
Муу зүйл, азгүйдэл тохиолдох үед бид энэ зүйл зөвхөн надад тохиолдож байна гэж боддог. Гэтэл үнэн хэрэгтээ тийм биш. Хэрвээ та түүнтэй ижил нөхцөл байдалд орж байсан бол өөрийнхөө туршлагыг хуваалцаарай. Тэр танд илүү ихээр итгэх болно. Зөвлөгөө өгч, тухайн нөхцөл байдлаас хэрхэн гарсан талаараа хэлэх нь зүйтэй. Таны туршлагаар тэр энэ асуудлыг даван туулах боломжтой гэдгийг ойлгоно.
3
Үнэхээр аймшигтай юм
Таны хүчин чармайлт, хүсэл мөрөөдлөөс үл хамаарч та хүн бүрд тусалж чадахгүй. Гэхдээ та тухайн хүнийг сэтгэлээ уудлахад нь тусалж чадна. Тусламж, зөвлөгөө өгч чадахгүй байсан ч анхааралтай сонсож, ярих боломж олго. Үүгээрээ та тухайн хүн танд сэтгэлээ уудалж болно гэдгийг ойлгуулж байгаа хэрэг юм.