Энэхүү машин 1958 онд буюу автомашины дизайны ид цэцэглэлтийн эрин үед зохион бүтээгдсэн боловч үзэмж муутай болсон юм. "Sir Vival" гэдэг нь "эсэн мэнд амьдрах" хэмээх утгатай бөгөөд явах эд ангийг 1948 оны классик "Nash" машин дээр тулгуурлан бүтээжээ.

Жолооны хүрд тусдаа араатай тул хурдалж байх үед эргүүлэхэд амар, харин хурд бага болон зогссон үед хүрд нь маш хатуу байжээ. Гурван хүний суудалтай салон нь хөдөлгүүрээс бүрэн тусгаарлагдсан төдийгүй хөтлөгч нь ардаа учраас жолооч, зорчигчид бүрэн аюулгүй гэж үзэж байлаа. 

Зорчигчид ар талдаа, жолооч нь ажиглалтын цамхагт суух зориулалттай байв. Резинэн бамбайгаар машиныг бүх талаас нь хүрээлүүлэх зэргээр Жером аюулгүй байдлын бүх стандартыг хангаж өгсөн байна. 

Тэрээр ганц л зүйлийг урьдчилан хараагүй байв. Түүний бүтээсэн машины үзэмж туйлын царай муутай болж хувирчээ. Зурагт, радио зэрэг хэвлэл нийтлэлийн хэрэгслээр аюулгүй загварыг хүмүүст сурталчилж байсан ч "Sir Vival"-ийг ямар ч автомашин үйлдвэрлэгч сонирхоогүй аж.

Улмаар Жером 1964 он хүртэл санхүүжилт хайж олон оролдлого хийсэн ч эцэст нь бууж өгч, машинаа заржээ.