Орон нутгийн цагдаагийн газрын төлөөлөгчийн мэдээлж буйгаар тус байшин нь дүүргийн дэд шүүгч Трилочан Сингх Гаурын эзэмшил аж. Хохирогч гэрээсээ бэлнээр 30 мянган рупи (400 ам.доллар) болон үнэт эдлэлээ хулгайд алдсан байна. 

Шүүгч хүн гэртээ их хэмжээний бэлэн мөнгө эсвэл үнэ хүрэх зүйлс хадгалж байж магадгүй гэж хулгайч бодсон бололтой. Учир нь тэрээр "Мөнгө байхгүй юм бол хаалгаа түгжиж яах гэсэн юм" гэсэн зурвас бичиж үлдээжээ. 

Шүүгч Сингх 2 долоо хоногийн турш өөр газар байж байгаад, Бямба гарагийн үдэш ирээд гэрт нь хулгай орсныг мэдсэн гэжээ. Сонирхолтой нь түүний амьдардаг хороололд цагдаагийн хэд хэдэн томоохон албан тушаалтнууд мөн амьдардаг аж.

Сингх гэрээсээ дээрх зурвасыг олсон бөгөөд хулгайч түүний тэмдэглэлийн дэвтрээс авсан цаасан дээр үзгээр нь бичиж үлдээжээ. 

Цагдаа нар хэрэг үүсгэн шалгаж байгаа ч одоогийн байдлаар хэрэгтний гадаад төрхийг тодорхойлж чадаагүй байгаа гэнэ.