Бидний өдөр тутмын салшгүй хэрэглээ болсон ханын цаг, удирдлага, хүүхдийн тоглоом, гар чийдэн, сонсголын аппарат гэх мэт тоочоод баршгүй олон зүйлс жижигхэн хуруу зайгаар ажилладаг.

Хуруу зай байгаль орчин, хүний эрүүл мэндэд та бидний төсөөлж байснаас ч их хор хөнөөл учруулдаг бөгөөд найрлагад кадмий, хар тугалга, мөнгөн ус, лит зэрэг хортой металл ордог. Хар тугалганы хүчилтэй батарейг ашиглаж байгаа цагт бохирдлын хэмжээ нь бензинийхээс хэд дахин их байдаг гэсэн судалгаа байдаг ба БНХАУ-д уг батарейны хар тугалганы 44%-70% нь байгальд хаягддаг гэнэ.

‘’ Химийн хорт бодис агуулсан ганцхан ширхэг хуруу зай 1-4 метр квадрат хөрс, 8000 литр усыг хордуулж бохирдуулдаг байна.’’

Ил задгай хаясан хуруу зай хэдхэн жилийн хугацаанд хөрсийг үхжүүлж, газар доорх амьд биетүүдийг хөнөөж 8000л ус, 4 м.кв хөрсийг бохирдуулдаг. Харин бохирдсон 1см хөрс нөхөн төлжихөд ойролцоогоор 1000 жил зарцуулагддаг байна.

Тиймээс ногоон ирээдүйг бүтээгч газрын хөрсөө хайрлаж амьдрах орчноо хамгаалцгаая.