8
Ража Ампат
Папуа Шинэ Гвинейн баруун хойд үзүүрт орших Ража Ампат арал нь тун тогтуун далайн эрэгтэй учраас усанд шумбахад нэн тааламжтай газар болжээ. Энд та ирснээр далайн гүн дэх амьдралыг чөлөөтэй үзэж чадна.
7
Танжунг Путингийн үндэсний цэцэрлэгт хүрээлэн
Танжунг Путингийн үндэсний цэцэрлэгт хүрээлэн нь нэн ховордсон орангутан сармагчнаараа алдартай юм. Энд ирснээр та төрөл бүрийн шувуу, махчин амьтад зэрэгтэй ойроос танилцах боломжтой. Мөн цэцэрлэгт хүрээлэн дундуур хөтөчтэй усан онгоц бүхий аялал явдаг аж.
6
Флорес арал
Флорес арал нь Индонезийн Зүүн Нуса Тенггара мужийн Бага Зондын арлуудад багтах нэгэн арал юм. Тус арлын нэр нь португал хэлээр цэцэг хэмээх утгатай. Чухамдаа үлгэрийн мэт сайхан байгальтай учраас португалчууд ийм нэр өгсөн байж болно. Тус арал дээрх олон тооны үзэсгэлэнт нуур, халуун аршаан зэрэг нь жуулчдыг хэдэн мянгаар нь татдаг байна.
5
Букит Лаванг
Букит Лаванг бол Хойд Суматра мужийн нийслэл Меданаас баруун хойш 90 км-ийн зайд Гунунг Лейзерийн үндэсний цэцэрлэгт хүрээлэнгийн зүүн талд байрладаг жижиг тосгон юм. Энд 1973 онд орангутан үржүүлгийн төв байгуулагдса юм. Тус төвийн гол зорилго нь ан агнуур, ой модыг устгаснаас болж тоо толгой нь буурч буй орангутаныг хамгаалах явдал юм.
Энд ирснээр та ховордсон амьтдыг хамгаалах үйлст нэмэр болоод зогсохгүй эдгээр амьтдыг ойроос үзэх боломжтой аж.
4
Бромо Тенггэр Семеру үндэсний цэцэрлэгт хүрээлэн
Бромо Тенггэр Семеру үндэсний цэцэрлэгт хүрээлэн нь Бромо, Семеру гэсэн 2 галт уулаараа алдартай. Семеру нь идвэхитэй хэвээр байгаа хэдий ч тэсрэлгүй олон жил болжээ. Хэрвээ та хүсвэл тусгай зөвшөөрөл авч тус галт уулууд дээр авирч болно.
3
Ломбок
Индонезийн аялал жуучлалын гол бүс гэгддэг Ломбок арал нь үзэсгэлэнт далайн эрэг, зочид буудлууд, шөнийн цэнгээний газар гээд дутах юмгүй газар аж. Тиймээс энд нэг ирсэн хүн газар дээр диваажинг мэдэрч байгаад буцдаг гэнэ.
2
Комодо үндэсний цэцэрлэгт хүрээлэн
Комодо үндэсний хүрээлэн нь Индонезийн баруун Нуса Тенггара, зүүн Нуса Тенггара мужуудын хооронд оршдог аж.
1980 онд Комодо гүрвэлийг хамгаалахын тулд энэхүү үндэсний хүрээлэнг байгуулжээ. Хожим нь биологийн бусад төрөл зүйлийг хамгаалах, усны амьдралын хэв маягийг алдагдуулахгүйн тулд улам өргөжүүлсэн байна.
Энд та жинхэнэ зэрлэг комодо гүрвэлийг харж чадах юм. Үүний дээр ойролцоох далайн эрэг дээр цагийг зугааатай өнгөрөөх боломжтой.
1
Бали арал
Бали арал нь Зүүн Өмнөд Азийн Индонез улсад харьяалагдах арал бөгөөд Нийслэл Жакарта хотын орших Жава арлын дэргэд, зүүн талд нь оршино.
Урлагийн арал гэдэг нэрээрээ дэлхийд эртнээс алдаршсан, мөн далайн эргийн наран шарлагын газрууд олноор байгуулагдсан тул жуулчдын тоогоор өдгөө дэлхийд дээгүүр орох хэмжээнд аялал жуулчлал хөгжжээ. Тус арлын төсвийн ихэнх хувийг аялал жуулчлалын салбар бүрдүүлдэг гэж хэлэхэд хилсдэхгүй. Балид мөн дэлхийн өнцөг булан бүрээс жилийн аль ч улиралд серфингчид цуглардаг.
Хүүхэд залуучууд, залуу хосуудад далайн төрөл бүрийн усан спорт, усан парк, романтик ресортууд энд байхаас гадна урлаг түүх сонирхогчдод эртний сүм дуган, олон шашны хосолмол байдал, уугуул иргэдийн зан үйл туйлын их сонирхлыг татдаг байна. Харин зарим жуулчид энд зүгээр стрессээ тайлж далайн эрэг дээр биеэ шаран, хотын үймээнээс салахын тулд ирдэг гэж болно.
