DJ Soda нь 1984 онд БНСУ-д Сөүл хотод төржээ. Тэрээр ахлах сургуулиасаа дуу хөгжимд дуртай байсан бөгөөд 2004 онд Сөүлийн Урлагийн Их Сургуулийг DJ мэргэжлээр төгсөн  2013 онд  алдартай DJ болохын тулд аялан тоглолтоо эхлүүлжээ. Түүний инстаграм дагагчдын тоо одоогоор 4.3 сая байна. 

36 настай тэрээр нэгэн тоглолтод оролцохоор онгоцонд суухдаа "FUCK," "FUCK YOU," болон "FUCKIN,'" гэсэн бүдүүлэг үг хэллэг бүхий өмд өмссөн байжээ. 

Үүнийг нь анзаарсан хамгаалагчид түүнийг хүчээр онгоцноос буулгасан төдийгүй өмдөө тайлахын шаардсан байна. Тиймээс тэрээр аргагүй байдалд олны өмнө хагас нүцэглэжээ. Бүсгүй харин яарч байсан тул өөр өмд гаргахын оронд байгаагаа эргүүлж өмссөн гэнэ. 

Тэрээр "Энэ өмдийг олон удаа өмсөөд нисэж байсан. Яагаад ийм арга хэмжээ авах болсон нь ёстой ойлгомжгүй байна. Би лав дахиж American Airlines компанийн онгоцоор зорчихгүй" гэж мэдэгджээ. 

American Airlines компани харин энэ тухай:

Жон Ф.Кеннедигийн олон улсын нисэх онгоцны буудалд буусан American Airlines-ын 306 дугаар нислэгт суух үеэр манай багийн гишүүд хатагтай Со Хи-д нислэгийн үеэр баримтлах дүрмийн талаар мэдээлэл өгсөн. Тэрээр бүдүүлэг хэллэг бүхий хувцас өмсөж болохгүй гэсэн дүрмийг зөрчсөн юм. Бид түүнд шаардлага тавьсны дагуу үйлчлүүлэгч хүсэлтийг биелүүлж, төлөвлөсний дагуу аяллаа үргэлжлүүлсэн болно" хэмээн мэдэгджээ.