Энэ булан нь эротик материал агуулж байгаа бѳгѳѳд хэрвээ та 18 нас хvрсэн бол "18нас хүрсэн" товчон дээр дарах, эс бѳгѳѳс "хаах" товчон дээр дарна уу!
Германы канцлерын албан тушаалыг 16 жилийн турш хашсан Ангела Меркелийн эрин удахгүй дуусах нь тодорхой болсон билээ. Тэрээр улс төрийн ертөнцөд 30 гаруй жил хүч үзсэний эцэст ийнхүү тэтгэвэртээ гарч байгаа юм.
2015 оноос хойш Меркель Герман улсыг цагаачдад нээлттэй байлгах бодлого явуулж эхэлснээс өдийг хүртэл нэг сая гаруй дүрвэгчийг хүлээж аваад байгаа. Үүний нөлөөгөөр эдийн засаг, дэд бүтэц, ажлын байрны олон асуудал гарч ирснийг Канцлерийн буруу хэмээн гэж олон нийт үзсэн учраас Меркелийн удирддаг Христийн Ардчилсан Холбоо дэмжлэгээ алдсан байна.
Ийнхүү хоёр сарын өмнө Германы холбооны парламентын сонгуульд ялсан Социал Демократ нам өөр хоёр намтай эвсэж засгийн газар байгуулах болсноор түүний хувьд халаагаа өгөх нь тодорхой болсон юм. Өдгөө дэд канцлерийн албыг хашиж буй 63 настай улс төрч Олаф Шольц арванхоёрдугаар сарын 6-9-ний хооронд болох Бундестагийн чуулганаар канцлерын албан тушаалд томилогдох юм.
Үнэндээ барууны өндөр хөгжилтэй улс орнуудын улс төрд Ангела Меркель шиг тогтвортой удаан ажилласан лидер ховор. Тиймээс энэхүү чадварлаг улс төрч эмэгтэйн карьерын торгон мөчүүдээс сонирхоцгооё.
Баруун талд зогсож байгаа нь Польшид хэлний сургалтанд сууж байгаа химийн ангийн оюутан Меркель. Нөгөө хоёр нь нэг ангийн Малгорзата Иезиорска болон ирээдүйн нөхөр Йоахим Зауэр.
Дараа жил нь тэрээр дөнгөж нэгдээд байсан Германы парламентын сонгуульд өрсөлджээ.
Меркель Байгаль орчны сайдаар томилогдов. Энэ зурган дээр ханын цаасыг хэрхэн дахин боловсруулж болдгийг харуулж байна.
Эрүүл мэндийн сайд Хорст Зеехофертай хамт хурлын үеэр.
Христийн Ардчилсан Холбоо намын бүлгийн дарга болов.
Германы анхны эмэгтэй Канцлер.
21-р зуун гарсан хэдий ч улс төрд эрчүүд ноёрхсон хэвээр байгаа гэдгийг энэ зургаас харж болно. Меркель энд Италийн Ерөнхий сайд Романо Проди, Францын Ерөнхийлөгч Никола Саркози, АНУ-ын Ерөнхийлөгч Жорж Буш, ОХУ-ын Ерөнхийлөгч Владимир Путин, Их Британийн Ерөнхий сайд Тони Блэйр нартай хамт байна.
Меркель 2008 оны их хямралын дараах жилүүдэд хэмнэлт хийхийг иргэддээ уриалсан юм.
Тухайн үеийн АНУ-ын Төрийн нарийн бичгийн дарга байсан Хиллари Клинтон Меркельтэй Берлинд уулзаж байгаа нь.
Меркель Германы өмнөд хэсэгт болсон Их 7-ын дээд хэмжээний уулзалтын дараа ерөнхийлөгч Барак Обаматай хамт байгаа нь.
Жилийн дараа Обама суудлаасаа буух үедээ "Та миний ерөнхийлөгч байх хугацаанд дэлхийн аль ч удирдагчаас илүү найдвартай түнш байсан шүү" хэмээн түүнд хандаж хэлсэн байдаг.
Меркель 2015 онд Германы хилийг дүрвэгсдэд нээх шийдвэр гаргасан нь маш том маргааныг дагуулсан юм.
Зураг дээр: Унгараар дайран өнгөрч буй дүрвэгсэд.
Дээрх шийдвэр нь мөн түүнийг АНУ-ын шинэ ерөнхийлөгч Дональд Трамптай зөрчилдөхөд хүргэсэн.
Ганцхан цагаачлал гэлтгүй Хойд Солонгос, Иран, худалдааны хэлэлцээр зэрэг олон асуудлаас болж тэд маргалдсан юм.
Меркель цар тахлын эхний үед яаралтай арга хэмжээ авсны хүчинд халдварыг барьж чадсан юм. Химич мэргэжил нь зөв шийдэлд хүрэхэд тусалсан хэмээн тэрээр ярьсан байдаг.
Түүний төр барьсан жилүүд алдаа оноогоор дүүрэн байсан ч Меркель шиг дундыг баримталж чаддаг улс төрч ховор юм.
