100 гоо сайхны мэс засалд орсон эмэгтэй Алисия Дюваль

“Хэтэрхий олон удаа мэс засалд орсноос болоод миний гэдэс, зүүн хөх, баруун суга юу ч мэдэрдэггүй. Гэхдээ би гадаад төрхөндөө сэтгэл хангалуун бус хэвээр. Тиймээс мэс заслын орон дээр ахин хэвтэхгүй гэх баталгаа надад байхгүй.” –гэж Их Британий загвар өмсөгч Алисия Дюваль ярьж байна. Ингээд наснаасаа хэд дахин олон удаа гоо сайхны мэс засалд орсон эмэгтэйгийн талаар мэдээллийг хүлээн авна уу. Ганцаараа байхдаа үзэхгүй бол задгай энгэртэй зургууд хэд хэд байгаа болохыг сануулмаар байна.

Алисия нь одоогийн байдлаар яг зуун удаа хагалгаанд оржээ. Зөвхөн хөхөндөө л гэхэд 15 удаа мэс хүргэсэн байна. Үүнээсээ болж биеийн зарим хэсгүүдээ мэдрэхээ байжээ.

www.caak.mn (17 фото)

Алисия бол Барууны эрчүүдийн сэтгүүл дээр зурагаа хамгийн олон авахуулдаг модель төдийгүй Британий дээдсийн хүрээнд дуулиан таригч юм. Түүнийг жинхэнэ “self-made woman” гэж хочилдог. Тийм ч учраас эцэг эхээс заяасан төрхнөөс нь түүнд одоо бараг юу ч үлдээгүй байна. Гоо сайхны мэс засалд хэт шүтэх болсноороо тэрээр 29 насандаа өөрийгөө огт өөр хүн болгожээ.

Тэрээр The Independent сэтгүүлд өгсөн ярилцлагадаа: “Би гоо сайхны мэс ажилбарт хэдэн удаа орсноо үнэндээ сайн мэдэхгүй байна. Гэхдээ зуугаас хол давсан гэдэгт нь итгэлтэй байгаа. Хөхөндөө л гэхэд 15 удаа хагалгаа хийлгэж, нүд, хамараа янзлуулан, нүүрээ татуулж, хацрандаа имплант шахуулдаг.” – гэж ярьжээ.

Британий гоо сайхны мэс заслын эмч нар түүнд ахин үйлчлэхээсээ татгалзахад хүрчээ. Тиймээс Алисия ахин мэс заслын хутга биедээ хүргэхийг хүсвэл АНУ-ыг зорихоос өөр аргагүй болсон байна. Мөн Америкийн эмч нараас зарим нэгэн хагалгааны түүхээ нуухгүй бол мэс засал хийхийг зөвшөөрөхгүй байж магадгүй хэмээн айж буйгаа нуугаагүй ажээ.