1
Нүцгэн зураг
Хүүхдээ өхөөрдсөн хүмүүс нүцгэн зургийг нь фэйсбүүкээр хуваалцдаг. Хэдий энэ нь тухайн үедээ сайхан санаа мэт санагдаж болох ч хүүхдийн тань нүцгэн зураг бусдын гарт орсноор зарим нэг таагүй үр дүнд хүргэж болно.
2
Өвчтэй байгаа зураг
Өвчтэй хүүхдийнхээ зургийг бусадтай хуваалцах нь лайк цуглуулах хөгийн арга юм шүү.
3
Шийтгүүлж байгаа зураг
Суурь хүмүүжил хүүхэд насанд тавигддаг гэдгийг үргэлж санаарай. Хэрэв та хүүхдээ шийтгэж байгаа зургаа бусадтай хуваалцвал хүүхдийн өөрийгөө үнэлэх үнэлэмжийг үгүй хийх болно.
4
Архи, тамхины хажууд байгаа зураг
18 болон 21 нас хүрээгүй хүнийг архи болон тамхины дэргэд байгааг дэлхий нийтээр зарлах нь тийм ч сайхан санаа биш.
5
Бие засаж байгаа зураг
Эцэг эхчүүд хүүхдээ өхөөрдсөндөө бие засаж байгаа зургийг нь авдаг. Харин хүний хийж болох хамгийн чухал хэрнээ бохир үйлдлийг хуваалцах нь хүмүүст таалагдахгүй л болов уу.
6
Хувийн мэдээлэл
Мэдээж хүн бүр хувийн мэдээллээ бусдад алдахгүйг хичээх хэрэгтэй. Ялангуяа эцэг эхчүүд хүүхдийнхээ мэдээллийг өөрийнхөөсөө илүү хамгаалах нь чухал. Зураг бол хувийн мэдээлэл гэж хэлэхэд гэмгүй зүйл. Зөвхөн зургаар дамжуулан хүүхдийг ямар хүйстэй, хэдэн настай, тэр ч бүү хэл хаана сурдаг, ямар ааш араншинтайг ч таньж мэдэх боломжтой гэдгийг бүү мартаарай.
7
Хүүхдээ элэглэх
Хүүхдээ интернэтээр шившиглэх нь яав ч сайн эцэг эхчүүдийн хийх зүйл биш. Мэдээж та санаатайгаар хүүхдийнхээ эвгүй байдалд орсон зургийг бусадтай хуваалцахгүй байх. Гэхдээ санаандгүй ийнхүү зураг олон нийтийн сүлжээнд цацвал олон сөрөг үр дагавар гарч болохыг тооцоолоорой.
