Цахим орчинд Нина Риос хэрэглэгчийн нэрээр олонд танигдсан Валентина хэмээх 14 настай блоггер охин инстаграм, тикток сүлжээнд бараг 2 сая гаруй дагагчтай байжээ.
Валентина багадаа
Харин түүний ээж Фернанда Каннер охиноо онлайн ертөнц дэх хүмүүсийн сэтгэгдлээр дүгнүүлэхийг хүүхдийн сэтгэлзүйн эрүүл мэндэд хор хөнөөлтэй гэж үзсэн учир бүх цахим хаягийг нь хаасан байна.
Ээжийн хамт
Тэрээр энэ үйлдлээ интернет сүлжээний хэрэглээ гэдэг насанд хүрсэн хүний өөрийгөө үнэлэх үнэлэмжийг ч дордуулж, сэтгэлээр унах шалтгаан болдог учраас охиноо өсвөр насны эмзэг үеэ хэн нэгэн үл таних хүний хорон муухай үгнээс болж шаналж өнгөрүүлэхийг хүсээгүй гэж тайлбарласан байв.
Үүнээс гадна олон мянган хүмүүсийн үгээр өөрийгөө үнэлсэн, гадаад төрх, харагдах байдлын магтаалын үгээр тэжээгдсэн "онлайн дүр" болгохоос зайлсхийж ийнхүү охиноо цахим ертөнцөөс зай бариулахаар болсон гэнэ.
Ээжийнхээ энэ шийдвэрийг охин эхэндээ эрс эсэргүүцэж, дургүй хүлээж авсан боловч одоо олон нийтийн сүлжээгүй амьдралдаа дассан бөгөөд тун удахгүй ахтайгаа хамт Швейцар луу аялж, тэндээ суралцахаар төлөвлөж байгаа гэдгийг Фернанда инстаграм хуудсандаа дурдсан байлаа.
Фернанда мөн "Валентинагийн цахим хуудсанд бараг 2 сая дагагч түүний үг, үйлдэл бүрийг дэлгэцийн цаанаас ажиглаж байсны дээр маш олон фен клубууд нээгдсэн байсан.
Хэдийгээр энэ бүхэн өхөөрдөм хөөрхөн байж болох ч өсвөр насны хүүхдэд өөрийнхөө хүсэл сонирхол, зорилгыг олж нээхэд нь саад болж байна." хэмээжээ.
Тэрээр охиноо цаг минут тутамд цахим сүлжээн дэх сэтгэгдлүүдээ шалгаж, нэгэн хэвийн олон зуун селфи зураг авч, сургуультай амьтан шиг бүжиглэж, Хятадад үйлдвэрлэсэн чанаргүй хувцас сурталчлахыг нь харахыг хүсээгүй гэнэ.
