Загварын ертөнцөд виртуал моделиуд хүч түрэн орж ирж байгаа учир бодит хүн буюу жинхэнэ загвар өмсөгчдөд олдох боломж танагдаж эхэлсэн бололтой. Үүнээс гадна загвар өмсөгчид хэдийнээ олон сая хүнд танигдсан, эс бөгөөс ер бусын онцлог байдлаараа л бусдаас ялгарч чаддаг байна. 

Японы гоо сайхны бүтээгдэхүүн үйлдвэрлэдэг KATE компани нүүрний шинэ суурь кремнийхээ сурталчилгаанд гурван модель тоглуулжээ. Хачирхалтай нь тэдгээрийн нэг нь л жинхэнэ хүн байсан аж.

Та алийг нь жинхэнэ хүн гэж таамаглаж байна вэ?

Ягаан үстэй моделийг Имма гэх бөгөөд Японы CG Modeling Cafe хэмээх компьютер графикийн студийн бүтээгдэхүүн юм. 

Энэ зураг дээрх бугуйвчтай эмэгтэй бол Риа нэртэй мөн л виртуал модель гэнэ.

Сурталчилгаан дахь моделиуд дундаас судсаар нь цус гүйдэг, бодит бие махбодьтой цор ганц модель болох Саори өөрийн гадаад төрхөөрөө бусад загвар өмсөгчдөөс ялгарч, виртуал моделиудтай зэрэгцэн ажиллах болжээ. Түүний хөдөлгөөн, нүүрний хувирлыг хараад дийлэнх хүмүүс роботтой эндүүрдэг байна.