1 Унтлагын өрөөгөө сэрүүн байлга

Нойр авах нь арьсанд шууд нөлөөлдөг зүйл. Тиймээс арьсаа сайн арчлахын тулд дараах зүйлсийг санах хэрэгтэй.

• Таны унтлагын өрөө аль болох харанхуй байх ёстой.
• Таны унтлагын өрөө сэрүүн байх ёстой. Хамгийн тохиромжтой температур нь 18.3 цельс юм. Хэрэв та даарч байвал хувцсаа зузаалах эсвэл өөрийгөө хучиж болно.
• Унтахаас 2 цагийн өмнө хоол идэхгүй.
• Орондоо хэвтэж байхдаа элдэв зүйл үзэж болохгүй.

2 Ретиноидтой тос хэрэглэх

Арьс татдаг тос таны арьсыг залуу харагдуулахад тусалдаг боловч үр нөлөөг нь хадгалж үлдэхийн тулд тэдгээрийг тогтмол түрхэх хэрэгтэй гэдгийг битгий мартаарай. Эмч нар ретиноид тос ашиглан арьсыг чангалахыг зөвлөж байна. Түүнд агуулагддаг А аминдэм нь арьсны эсийн боловсролт, бодисын солилцоог нэмэгдүүлдэг.

3 Өдөрт 20 минут алхах эсвэл дасгал хийх

Идэвхтэй хөдөлгөөнтэй байх нь бодисын солилцоог өндөр түвшинд байлгаж, эсийг хүчилтөрөгчөөр хангадаг. Үүний үр дүнд таны арьс илүү толигор болно. Тиймээс эмч нар өдөр бүр 20 минутын турш алхахыг зөвлөжээ.

Гэхдээ хэвлийн хөндийн чиглэсэн дасгалууд нь арьсыг чангалах биш илүү их булчин хөгжүүлдэг гэдгийг тэд сануулж байна.

4 Бүйлсний тосоор массаж хий

Хуурай арьсыг чийгшүүлэхээс гадна бүйлсний тос нь арьсны өнгийг сайжруулдаг. Үр дүнг хоёр дахин нэмэгдүүлэхийн тулд гэдсэндээ иллэг хийхэд хэрэглээрэй.

Массаж хэрхэн хийх вэ:

• Дээш харж хэвтээд гараа дулаацуулаарай. Тэгээд гартаа тосоо түрх
• Гарынхаа алгаар гэдэсээ бүхэлд нь цагийн зүүний дагуу илнэ
• Дараа нь хэвлийнхээ төвийн шугамыг иллэг хий. Цээжнээс эхэлж, хүйсний доод хэсэг хүртэл илнэ.
• Үүнтэй ижил хөдөлгөөнийг зүүн, дараа нь хэвлийн баруун талд хийнэ.
• Зөөлөн даралтаар массажаа үргэлжлүүлж, хүйснээсээ гадагшаа цагийн зүүний дагуу тойрог хэлбэрээр илнэ
• 20 минутын турш массажаа үргэлжлүүлээрэй.

5 Арьсаа ороо

Биеэ хүнсний уутаар ороох нь арьсыг чангална. Ингэхдээ эхлээд биеэ байтар чийгшүүлэгч тосоор тосолж 30-90 минутын турш уутаар орооно. Хэрвээ та ороолттой үед биеийн хүчний дасгал хийхээр бол сайтар ус уух хэрэгтэй.

6 Холестерол, кортизолоо тогтмол шалга

Арьсны асуудалтай тэмцэхийн тулд бүх зүйлийг цогц төлөвлөгөөний хүрээнд хийх хэрэгтэй. Холестерины түвшинг шалгах нь маш чухал, учир нь удаан хугацаанд түүний түшин өндөр байвал липидийн хаалт задарч, арьс чийгээ хурдан алддаг.

Мөн кортизолын түвшинг анхаарч үзээрэй. Кортизолын өндөр агууламж нь арьсыг сийрэгжүүлж, сул болгодог юм.

7 Хооллолт

Мэргэжилтнүүд өдөрт 2 порж жимс, 2 порц хүнсний ногоо, нэг порц буюу 0.75 г уураг идэхийг зөвлөж байна.

8 Кофены массаж

Мэргэжилтнүүд кофены массаж нь хөлс гадагшлах суваг, арьсны эд эсийг сунгахад тусалдаг тул таны арьс илүү уян хатан болгож, целлюлит арилахад нөлөөлдөг гэж зөвлөж байна. Хэрэв та үүнийг ретинол, карнитинтай хослуулбал кофе нь арьсны дээд давхаргын зузааныг нэмэгдүүлдэг.

Ингэхдээ хольдог эсвэл кофейнийг нь ялгасан биш энгийн кофе хэрэглээрэй. Арьсны онцлогоос хамааран долоо хоногт 1-2 удаа массаж хийгээрэй.

9 Шээсний өнгийг анхаар

Эрэгтэйчүүдэд өдөрт 15.5 аяга (3.7 литр), эмэгтэйчүүдэд өдөрт 11.5 аяга (2.7 литр) шингэн ууна. Ариун цэврийн өрөөнд орсны дараа шээснийхээ өнгийг шалгахаа бүү мартаарай. Ердийн үед энэ нь өдрийн турш цайвар шар өнгөтэй байх ёстой. Хэрэв  хүрэн талдаа өнгөтэй бол та илүү их ус уух хэрэгтэй.

10 Хатуу хоолны дэглэм бүү барь

Хатуу хоолны дэглэмээр өөрийгөө зовоосноор та арьсаа дахин чангалж чадахгүй. Бие махбодид хоол тэжээл, түүний дотор эрүүл өөх тос хэрэгтэй. Мэргэжилтнүүдийн хэлж буйгаар уураг багатай дэглэм нь таны арьсанд сөргөөр нөлөөлдөг гэнэ.