“Ганц бие хүмүүсийн жаргал” гэгдэж буй энэ загвар нь үнийн хувьд тийм ч хямд биш буюу 1.8 сая иен (48 сая төгрөг) юм. Энгийн иргэдийн хувьд бага мөнгө биш ч гэсэн борлуулалтад гарсан эхний өдрөө л санаанд оромгүйгээр зарагдаж дууссан байна. Энэхүү хүүхэлдэйг тийм хурдан зарагдахад юу нөлөөлөв?

Учир нь тус загварын хамгийн нарийн деталиудыг ч маш сайн хийсэн гэнэ. Арьсны өнгө болон хүрэхэд төрөх мэдрэмж зэрэг хүнийхтэй ялгаа байхгүй бөгөөд нэмэлтээр хүний ​​сэтгэл хөдлөлийг таньж чаддаг чип суурилуулсан байна. Түүнчлэн хамгийн энгийн чадвар гэхэд л гэрийн ажил хийх гэнэ.

Мөн тус загварын гадаад төрхийг өөрийн хүслээр өөрчлөх боломжтой тул үнэ нь дагаад улам өснө. Худалдан авалтаас хоцорсон хүмүүс хэрэглэсэн байсан ч хамаагүй авч, гэртээ өөрийн гэсэн роботтой болох хүсэлтэй байгаагаа нуулгүй илэрхийлжээ.

Гэсэн хэдий ч робот бол яасан ч амьд хүнийг орлож чадахгүй билээ. 

Эх сурвалж: CnRexue