1
Амттанд дурлах
Амттан идэх хүсэл хүчтэй төрөх нь бие организмд зарим төрлийн эрдэс бодис дутагдсаны шинж тэмдэг бөгөөд ялангуяа магни дутагдах үед ийм шинж илэрдэг. Эсвэл сарын тэмдэг ирэх үеэр болон эрчимтэй дасгал хийсний дараа ч ийм хүсэл төрж болно. Эдгээр тохиолдлуудын аль нь ч бай таны биеэс магни их хэмжээгээр ялгарсан учраас эргэн нөхөхийн тулд өөрийн мэдэлгүй чихэрлэг зүйлсэд татагдаж байгаа нь тэр юм.
2
Шөрмөс татах, булчин хөндүүрлэх
Шөрмөс татах, булчин хөндүүрлэх давтамж нэмэгдээд байвал магни дутагдаж буйн гол шинж илэрч байна гэсэн үг. Үүнийг хэвийн болгохын тулд зөвхөн магнигаа нөхөөд нэмэргүй бөгөөд B, E болон D амин дэмээ ч мөн нөхөх хэрэгтэй.
3
Нойргүйдэх
Магни биднийг сайн амарч, тайван унтахад тусалдаг учраас магни дутагдах үед бид нойргүйддэг. Ингэснээр бидний амрах процесс уналтад орж, ядарч эхэлнэ гэсэн үг. Мөн унтаж байхад шөрмөс татах, хөших гэх мэт шинж тэмдгүүд илэрнэ.
4
Яс, үе мөчний өвчин
Магнийн дутагдал нь үе мөчний өвчний эрсдэлийг нэмэгдүүлдэг. Учир нь магни дутагдах үед кальцийн дутагдал давхар явагддаг байна.
5
Хоолой хорсох
Магнийн дутагдлаас болж шингээгүй хоол хүнс, ходоодны хүчил зэрэг нь улаан хоолой руу эргэж түрэгдсэнээс болж хоолой хорсдог.
6
Анхаарал төвлөрөл муудаж, бухимдана
Магни нь хүний хэвийн ажиллах систем, сэтгэл санаанд чухал нөлөөтэй. Тиймээс магни дутагдвал хүн амарч, тайван байж чадахаа больдог бөгөөд байнга стресстэж, сэтгэлээр унан, бухимдах нь ихэсдэг.
7
Өтгөн хатах
Стресс, уургийн дутагдал гэх мэт олон шалтгаанаас болж өтгөн хатдаг. Тэдгээрийн нэг нь магнийн дутагдал юм. Магни нь хүний амрах үйл явцад оролцохоос гадна хоол боловсруулах системд ч мөн оролцдог. Тиймээс магни дутагдсанаар хоол боловсруулалт муудаж, өтгөн хатдаг байна.
8
Ядрах
Бие махбод магнийн тусламжтайгаар энерги хуримтлуулдаг. Хэрвээ хангалттай магни байхгүй бол хангалттай энерги хуримтлагдаж, идэвхтэй амьдралын хэв маягтай байж чадахгүй гэсэн үг. Үүнээс болж хүн амархан ядарч, эрч хүчгүй, залхуу, сул дорой болдог.
9
Толгой өвдөх
Магниас гадна A, B, C болон D амин дэмийн дутагдлаас болж толгой өвдөнө. харин магнийн дутагдлаас болж тархины судас хүчтэй лугшиж өвддөг. Энэ үед магнигаа яаралтай нөхөх хэрэгтэй.
10
Магни ихээр агуулдаг хүнсний бүтээгдэхүүнүүд
Ихэнх хүмүүсийн магнийн дутагдал буруу хооллолт болон хорт зуршлаас үүдэлтэй байдаг. Хэрвээ та зөв хүнсээ хэрэглэж чадвал магнийн дутагдлаас айхгүй байх боломжтой. Дараах хүнсний бүтээгдэхүүнүүд магниг хангалттай хэмжээнд нөхөж чадна:
- Овьёос
- Төрөл бүрийн самар
- Шинэхэн жимс, хатаасан жимснүүд
- Навчит нарийн ногоонууд
- Загас
Харин таны биед магни дутсаны шинж тэмдэг илэрч байна уу?
