"Шанель-5" сүрчгийн нүүр царай болж байсан халуухан 5 бүсгүй (+1 халуухан залуу)

1921 оны тавдугаар сарын 5-нд Парис хотноо анх "Chanel No. 5" сүрчгийг домогт Коко Шанель танилцуулж байжээ. Зориуд энгийн дизайнтай хийсэн сав, урьд өмнө байгаагүй тансаг үнэр нь энэхүү сүрчгийг Парисын бүхий л хатагтай нарын хүсэмжит бүтээгдэхүүн болгосон байна. "Шанель-5" сүрчигт үнэндээ реклам хэрэггүй байсан ч цаг үеийнхээ сор болсон бүсгүйчүүдийг сонгон авч, брэндийн "элч" буюу нүүр царай болгодог байв. Ингээд тэдгээр бүсгүйчүүдтэй танилцацгаая.

Мэрилин Монро тус сүрчгийн албан ёсны нүүр царай байгаагүй ч 1950-аад оноос эхлэн "элч" нь болж байжээ. Нэгэн сэтгүүлч түүнээс "Унтахынхаа өмнө юу түрхдэг вэ?" гэж асуухад тэрээр "Шанель-5-ын хэдэн дусал" хэмээн хариулсан нь өнөөг хүртэл тус сүрчгийн "албан бус" сурталчилгаа болсон юм.

70-аад оны үед жүжигчин Катерин Денев (Catherine Deneuve) "Шанель-5"-ын нүүр царай болсон байна. Энэ сурталчилгааны зорилго нь тус сүрчгийн 60-аад оны үед алдсан байр суурийг эргэн нөхөх байлаа.

90-ээд оны үед "Шанель" компани бусад ямар ч сүрчиг үйлдвэрлэгчдээс илүү мөнгийг сурталчилгаандаа зарцуулжээ.

Энэ удаагийн нүүр царайгаар францын жүжигчин Карол Бюке (Carole Bouquet)-г сонгосон байна.

2003 онд Николь Кидман "Шанель-5" усны нүүр царай болов. Компаниас жүжигчид болон алдартай найруулагчидтай хамтран ажилладаг уламжлалаа үргэлжлүүлж, Кидманыг тоглуулсан хэд хэдэн богино хэмжээний киног бүтээжээ.