1
Нью-Йорк
"Times Square" дээр шинэ жил бүрээр уламжлал болгон зохиогддог баярын арга хэмжээнд энэ удаа 1 сая орчим хүн цугларсан байна. Зарим хүмүүс гол арга хэмжээг хамгийн таатай байрлалаас үзэхийн тулд тус талбай дээр өглөө эрт ирэн хүлээжээ. Post Malone, BTS, Сэм Хант зэрэг хамтлаг, дуучид шинэ жилийн ёслолыг чимсэн байна.
2
Лас Вегас
Дэлхийн зугаа цэнгэлийн төв болсон Лас Вегас хотын шинэ жилийн цэнгүүн "America's Party 2020" сэдвийн дор, 8 минутын урт галын наадамтайгаар зохион байгуулагджээ. 400 мянга гаруй иргэд цуглан шинэ оноо угтсан байна.
3
Парис
Эсэргүүцэл, тэмцлийн арга хэмжээнүүдээр дүүрэн 2019 оныг Парисчууд уламжлал ёсоор Элизейн өргөн чөлөөнд, алдарт Ялалтын хаалганы өмнө үдлээ.
4
Лондон
"London Eye" алсыг харагчийн дээр болсон галын наадам, маргааш өдөр нь зохион байгуулагдсан баярын жагсаалаар Лондончууд шинэ оноо угтжээ.
5
Берлин
Берлин хотын алдарт Бранденбургийн хаалга дээр иргэд хэдэн арван мянгаараа цуглаж он солигдох мөчийн галын наадмыг сонирхоцгоосон байна.
6
Сидней
Дэлхийн томоохон хотуудаас хамгийн түрүүнд Сидней хотынхон алдарт дуурийн театрынхаа өмнө цуглаж шинэ оноо угтлаа.
7
Токио
Япончууд шинэ жилээр зөвхөн баярлаж цэнгэхэд бус, гэр бүл, ойр дотныхондоо хайр, хүндлэл үзүүлэхэд анхаарал хандуулдаг. Сая сая япончууд шинэ оны эхний гурван хоногт сүм хийдүүдэд очиж, гэр бүлийнхээ эрүүл энхийг даатган залбирдаг байна.
8
Сөүл
Сөүл хотынхон он солигдох мөчид гэрэлт зул хөөргөн баяраа тэмдэглэлээ.
9
Хонконг
Хонконгийн иргэдийн ардчиллын төлөөх тэмцэл он солигдох мөчид ч гэсэн саатсангүй. Олон зуун цагдаа нар хотын гудамжууд, томоохон худалдааны төвүүдэд аюулгүй байдлыг ханган ажиллажээ.
10
Сингапур
"Marina Bay" цогцолборын өмнө Сингапурчууд цуглаж, асар том галын наадмыг үзэж сонирхжээ.
11
Москва
Хойд хөршийн нийслэлийн иргэд шинэ жилийн үдшийг хот даяар болох баярын концертууд, гэрлийн үзүүлбэрүүд, галын наадмуудыг үзэж сонирхон өнгөрүүлжээ. Кремлийн дээгүүр уламжлал ёсоор салют буудуулснаар Москвачууд шинэ оноо угтлаа.
