Мел 1982 онд Колорадо руу нүүж, зэвсгийн дэлгүүр нээснээр түүний цуглуулгын эхлэл тавигджээ. Тэрээр галаар үлээдэг өвөрмөц мотоциклаасаа болоод "луу" гэх хоч авсан байна. 

Тэрээр музейгаа "Land of the Dragon" гэж нэрлэсэн бөгөөд тэнд 200 гаруй төрлийн автомат болон пулемёт байдаг аж. "Надаас өөр хэнд ч ийм олон буу байхгүй байх, тэд бүгд асуудалгүй ажилладаг" хэмээн тэр ярьжээ.

Мел байшингийнхаа ойролцоо буудлагын талбай барьсан ба заримдаа тэндээ сургуулилт хийдэг гэнэ. Мөн пейнтболын томоохон талбай ч байдаг аж. 

Түүний музейд АНУ-тай тулалдахад ашиглаж байсан улс орнуудын армийн зэр зэвсгүүд дэлхийн 1-р дайнаас эхлээд он цагийн дарааллаар тус тусдаа танхимд байрлуулсан байдаг. Жишээлбэл, Японы катана, Германы винтов ч тэнд бий. 

Түүнчлэн музейд их бууны хэсгүүд, гранат, хамгаалах хэрэгсэл, хуягт машин, манекенд өмсүүлсэн хэдэн зуун ширхэг цэргийн дүрэмт хувцас байдаг. Түүний бүх цуглуулгууд нийлээд ойролцоогоор 10 сая долларын үнэт хүрэх аж.