1
Бид зүүднийхээ 90%-г мартдаг
Сэрсний дараах 5 минутад бидний зүүдний тал нь мартагддаг бол 10 минутын дараа гэхэд 90% нь мартагддаг байна.
2
Хараагүй хүмүүс ба зүүд
Төрснийхөө дараа хараагүй болсон хүмүүс зүүдэндээ дүрс, зураглал хардаг гэнэ. Төрөлхийн хараагүй хүн ч гэсэн зүүдэндээ сонсох, үнэрлэх, хүрэх, сэтгэл хөдлөл зэргээ мэдрэн дүрс хардаг аж.
3
Хүн бүр зүүдэлдэг
Ямар нэгэн сэтгэл зүйн эмгэгтэй биш л бол хүн бүр зүүдэлдэг. Хэрэв та зүүдэлдэггүй бол зүгээр л зүүдээ мартсан байх нь.
4
Зүүдэндээ бид зөвхөн таньдаг хүмүүсээ л хардаг
Бид өдөр тутмынхаа амьдралд маш олон хүний нүүр царайг харж тэднийгээ өөрсдөө ч мэдэлгүй тогтоосон байдаг. Тэгээд шөнө нь зүүдлэхдээ тэр царайнуудаа хардаг байна.
5
Хүн бүрийн зүүд өнгөт байдаггүй
Хэвийн хараатай хүмүүсийн 12% нь хар цагаан өнгөөр зүүдэлдэг гэнэ. Харин үлдсэн хувь нь өнгөт байдаг. 1915-1950-аад оны үед хүмүүсийн ихэнх нь хар цагаанаар зүүдэлдэг байсан боловч 1960-аад оноос эхлэн өөрчлөгдөж эхэлжээ. Харин өнөө цагт 25-аас доош настнуудын 4.4% нь хар цагаанаар зүүдэлдэг гэсэн судалгаа гарсан байна. Үүний шалтгааныг өнгөт телевизор үзэж эхэлсэнтэй холбоотой гэж тайлбарладаг юм.
6
Зүүд нь билэгдлийн шинжтэй байдаг
Хэрэв таны зүүдэнд ямар нэг дүрс, байшин, газар ч юм уу зүүдлэгдэж байвал энэ нь тэдгээр дүрсээр өөр зүйлийг илэрхийлэн гаргаж ирж байгаа гэсэн үг гэнэ.
7
Сэтгэл хөдлөл
Зүүдэнд мэдрэгддэг хамгийн хүчтэй сэтгэл хөдлөл бол санаа зоволт. Аз жаргалтай, сайхан байдлаас илүү сэтгэл зовоосон байдал л бидний зүүдэнд илүү хүчтэй мэдрэгддэг шүү дээ.
8
Ганцхан шөнийн дотор хэд хэдэн зүүд зүүдэлдэг
Хүн шөнө бүр дунджаар 1-2 цагийн туршид зүүд зүүдэлдэг байна.
9
Амьтад ч гэсэн зүүдэлдэг
Эрдэмтэд хэд хэдэн төрлийн амьтдын тархинд судалгаа хийж, хүнтэй адилхан зүүд зүүдэлдэг гэдгийг тогтоожээ. Нохой унтаж байхдаа гүйж байгаа юм шиг сарвуугаа хөдөлгөж, ямар нэг зүйл хөөж байгаа мэт аахилдгийг та санаж байна уу?
10
Биеийн хөдөлгөөн саажих
Хүн унтаж байх үед хүний нүд хөдөлж байдаг. Тайлбарлавал, насанд хүрсэн хүний нийт унтсан хугацааны 20-25% буюу шөнө унтаж байх үеийн 90-120 минутад нүд хөдөлж байдаг байна. Ингэж нүд хөдөлж унтаж байх үеэр хүний тархи бусад эрхтнүүдийнхээ хөдөлгөөнийг захирч, хөдөлгөөнгүй болгодог. Харин зарим тохиолдолд унтаж байх, унтахаас өмнө, хойно зэрэг үед хүн өөрөө унтаж байгаа ч тархи нь сэрүүн байх үе бий.
11
Зүүдний нэгдэл
Хүн зарим тохиолдолд унтаж байх үедээ гадны дуу чимээ, үйл явдлыг мэдэрдэг. Энэ үедээ өөрийн зүүдтэй, бодит амьдралын тэрхүү зүйлсийг хольж эхэлдэг байна. Жишээлбэл, та концерт үзэж байна гэж зүүдэлж, хөгжим нь маш чанга байсан гэж төсөөлье. Харин бодит амьдрал дээр хэн нэгэн таныг унтаж байхад хажууд чинь дуу сонсож байж болох юм.
12
Эрэгтэй, эмэгтэй хүмүүсийн зүүд өөр өөр байдаг
Эрэгтэй хүмүүс бусад эрчүүдийнхээ талаар зүүдлэх нь их байдаг. Тэдний зүүдний 70 орчим хувь нь эрчүүд байдаг бол эмэгтэйчүүд эрэгтэй, эмэгтэй хүмүүсийн тухай яг л адилхан зүүдэлдэг гэнэ. Мөн эрчүүд зүүдэндээ их догшин, дээрэнгүй байдалтай байдаг аж.
13
Урьдчилан харах
Нэлээд олон хүнийг хамарсан судалгаагаар хүмүүсийн 18-38% нь өөрийн амьдралаа зүүдэндээ урьдчилан харж зүүдэлж байсан гэжээ. Амьдралаа зүүдэндээ урьдчилан харах боломжтой гэж үздэг хүмүүс судалгаанд оролцогсдын 63-98%-ийг эзэлж байсан гэнэ.
14
Хурхирч байхдаа зүүдэлдэггүй
Хүн хурхирч байхдаа зүүдэлж чаддаггүй.
15
Зүүдэндээ дур тавих
Хүн зөвхөн бодит амьдрал дээр л сексээс мэдрэмж авдаггүй. Унтаж байхдаа ч мөн адил дур тавьсан мэдрэмжийг авч чаддаг байна. Учир нь зүүдэндээ мэдэрч байгаа үнсэлт, хүрэх мэдрэмжүүд нь бодит амьдралтай л яг адилхан хүчтэй, сайхан мэдрэмжийг төрүүлдэг юм.
