Америкийн фитнес төвийн сүлжээ болох Planet Fitness-ийн судалгаанд 2000 гаруй эрэгтэй, эмэгтэй хүмүүс оролцсоноос, ихэнх эрчүүд өөрсдийгөө хэвийн биеийн хэлбэртэй гэж тодорхойлж байж. Судалгаанд оролцсон эрэгтэй, эмэгтэйчүүдийн 65 хувь нь энгийн бие галбиртай залууг сайхан харагддаг гэсэн бол 61 хувь нь сэтгэл татам байдаг гэж дүгнэжээ.

Судалгааны үеэр биеийн хэлбэрээс гадна өөр нэгэн зүйлийн талаар хүмүүсийн үзэл бодол ил болсон юм. Энэ нь өөрийн бие галбиртаа хэр их сэтгэл хангалуун байдгийг нь асуухад эрэгтэйчүүдийн 80 хувь нь булчингүй, гэдэсгүй хэвийн биедээ сэтгэл хангалуун гэсэн хариу өгчээ. Харин нийт эрэгтэй эмэгтэй хүмүүсийн 78 хувь нь хэвийн галбир нь өөртөө итгэх итгэлийн илэрхийлэл хэмээн үздэг гэжээ.

Энэхүү судалгааныхаа үр дүнд үндэслэн "Planet Fitness"-ийнхэн хүн бүр өөрийн бие галбиртаа сэтгэл хангалуун байж, өөрийгөө байгаагаар нь хүлээж авах нь чухал гэж зөвлөсөн байна.