1 Биллъярдны бөмбөг

8 ширхэг биллъярдын бөмбөг байна. Харин нэг бөмбөг нь бусдаасаа хөнгөн бол тус бөмбөгийг олохын тулд хэдэн удаа жинлүүрдэж үзэх хэрэгтэй вэ? Жин ашиглахгүй зөвхөн жинлүүр ашиглана. 

2 Цөлд нас барсан хүн

Элсэн цөлд нэг хүн гартаа чүдэнзний мод атган өөд болсон байна. Яагаад, юунаас болж нас барсан бэ? 

3 4 литр ус

Танд маш их ус, 5 литр болон 3 литрийн багтаамжтай 2 сав байна. Яг 4 литр усыг 5 литрийн саванд хийгээрэй. 

4 Баавгай

Та урагшаа харсан байшин барьжээ. Гэнэт цонхоор баавгай харагдана. Баавгай ямар өнгөтэй вэ? 

5 Эм

Эмч өвчтөнд 2 төрлийн 4 ширхэг эм өгчээ. Гэвч 2 төрлийн эмийг хооронд нь ялгах арга байхгүй бөгөөд 2 төрөл тус бүрээс нэг, нэг ширхгийг өглөө, үлдсэн 2 төрөл тус бүрээс нэг, нэг ширхгийг орой уух ёстой. Гэвч эмээ сольж уувал өвчтөн үхэх болно. Тэр яаж эмээ зөв сонгож, амьд үлдэх вэ?

*

*

*

*

*

*

*

*

*

*

ХАРИУЛТ

1. Хоёр удаа жинлэнэ. Бөмбөгнүүдээ гурав гурваар нэг бүлэг, үлдсэн хоёрыг нэг бүлэг болгоно. Эхлээд 3 бөмбөгний бүлгээ жинлээд аль нэг тал нь хүнд байвал хөнгөн талаас нь хоёр бөмбөг авч жинлэнэ. Хэрэв эхний жинлэлт тэнцүү байх юм бол үлдсэн 2 бөмбөгний 1 нь хөнгөн болж таарна. 

2. Энэ асуулт хүний сэтгэхүй, төсөөлөн бодох чадварыг шалгах зорилготой юм. Цөлд байсан хүн сүйрэх нь гарцаагүй болсон нисэх онгоцноос унаж нас барсан аж. Зорчигчдод шүхэр хүрэлцээгүй байсан тул чүдэнз сугалан шодсон бөгөөд нас барсан эр бусдаасаа сондгой чүдэнз сугалсан тул шүхэргүйгээр онгоцноос үсэрсэн ажээ. 

3. 5 литрийн саваа дүүргээд 3 литрийн сав руу юүлнэ. Дараа нь 3 литрийн саваа хоослоод 5 литрийн саванд үлдсэн 2 литр усыг 3 литрийн савандаа хийнэ. Дахин 5 литрийн саваа дүүргээд 3 литрийн савыг дүүргэнэ. Ингээд 5 литрийн саванд яг 4 литр ус үлдэх юм. 

4. Цагаан. Учир нь зөвхөн  хойд туйлд л байшин урагшаа харсан байх боломжтой. 

5. Мэдээж эмч дээрээ буцаж очоод асуух ёстой. Гэхдээ энэ тохиолдолд тийм боломж байхгүй тул өвчтөн 4 ширхэг эмээ голоор нь хуваагаад нэг талыг нь өглөө, үлдсэн талыг нь орой уух ажээ.