Твиттерт "Hiiragi Sensei" хэмээх хаягтай энэхүү япон залуу өөрийн хүчин чармайлтаар гайхалтай үр дүнд хүрч чадсан тухайгаа олон нийтэд дэлгэжээ. 

Анх 5 сарын өмнө тэрээр байнгын суугаа ажил, хөдөлгөөний дутагдал, буруу хооллолт зэргээс үүдэн биеийн галбирт нь өөрчлөлт орж гэдэс нь унжсан, ихэнх булчингууд нь сул өөхөн давхрага болсон байгааг анзаарчээ.  

Тэгээд өөртөө анхаарал хандуулхаар шийдэж, нэгэн Япон эмчийн нэрээр нэрлэгдсэн "Табат" хэмээх гэрийн нөхцөлд хийж болох хялбархан дасгалын аргыг туршиж үзэхээр болж. 

Энэхүү арга нь 20 секунд эрчимтэй дасгал хийж 10 секунд амрах байдлаар давтан 4 минут л зарцуулдаг.  

Ийнхүү тэрээр 5 сарын турш уг аргыг тасралтгүй хэрэглэснээр 13 кг жин хасаж, хөнгөн атлетикийн тамирчнаас дутхааргүй сайхан биетэй болж чадсан байна. Харин одоо тэрээр дасгалаа үргэлжлүүлэн хийж, бага зэрэг хоолны дэглэм барьдаг гэнэ.