Судалгаанд оролцсон оюутнууд IQ-ийн тест бөглөсний дараа өөрийн сонсдог жанраа нэрлэсэн аж.

Ингээд үр дүнг гаргахад хамгийн өндөр IQ оноо авсан оюутнууд сонгодог, жазз, амбиент хөгжим түлхүү сонсдог нь тодорхой болсон байна.

Харин рок, алтернатив, панк, метал сонсдог оюутнууд тэднийг удаалсан буюу харьцангуй өндөр оноо авсан байна.

Харамсалтай нь хип хоп, поп, трап хөгжимд дуртай оюутнууд бараг бүгдээрээ IQ-н тестэнд муу оноо авсан аж. 

Хэдийгээр 500 гаруй хүний үр дүнгээр нийтийг дүгнэхэд бэрх ч гэсэн энэ судалгаагаар оюуны чадамж, хөгжмийн тааламж хоёр хэрхэн холбогддог талаар ерөнхий гаргалгаа гаргаж болох юм. Түүнчлэн хүн бүрийн хөгжим сонсох зорилго нь ялгаатай буюу зарим нь гүн гүнзгий мэдрэмж, таашаал авах гэж сонсдог бол зарим нь бүтээмжээ сайжруулах зорилгоор сонсдогийг дурдах хэрэгтэй.

Гэхдээ энэ судалгааны үр дүн нь тийм ч шинэлэг зүйл биш аж. Хэдэн жилийн өмнө Канадын эрдэмтэд хүүхдийн сэтгэхүйд хөгжмийн үзүүлэх нөлөөг судалсан бөгөөд багаасаа олон төрлийн хөгжмийн зэмсэг тоглосон хүүхдүүд бусдаас илүү хичээлдээ сайн байдгийг илрүүлж байжээ.