1 Хамгийн хурдан олдог

Мэдээж хэрэг Ойрх Дорнодын баян орнууд жагсаалтыг тэргүүлжээ. Зарим орнууд бүр 10 минутаас бага хугацаанд 1 ам.доллар олдог аж.

Хамгийн эхэнд Катар (1 минут 54 секунд), Арабын Нэгдсэн Эмират (2:57), Кувейт (3:40) орсон бол тэдний хөршүүд болох Саудын Араб (5:44), Оман (7:57), Израильчууд (3:04) удаалжээ.

Харин Зүүн Азиас Солонгосын иргэд (4:03), Япон (2:59), Сингапур (2:07) орсон бол Хонг Конг бүх хятадуудыг илүүрхэж чаджээ (2:29).

Эдгээр орнууд дундаж цалингаараа өндөр үнэлгээ авсан нь гайхмаар зүйл биш юм. Жишээлбэл, Катар, Арабын Нэгдсэн Эмират, Сингапур, Хонг Конг нь дэлхийд нэг хүнд ногдох ДНБ-ээрээ эхний 10-т ордог бөгөөд тэдний араас Япон 12-р байр эзэлдэг юм. 

2 Харин энд ажиллаж болохгүй

Нэг цаг (эсвэл бүр хоёр цаг) ажиллаж байж та дараах орнуудад 1 ам.доллар олох болно.

Тэдгээр дундаас хамгийн гайгүй нь Энэтхэг (64:21) байсан бол хөрш Балба (144), Бангладеш (81:52), Мьянмар (95:12) нар орсон байна.

Камбож улс Зүүн өмнөд Азиас сүүл мушгисан (93:39) бол Иран (72:55), Сири (62:36), Йемен (92:09) улсууд Ойрх Дорнодод хамгийн сүүлд оржээ.

Хамгийн муу нөхцөл байдалтай улс болох Афганистанд зэвсэгт мөргөлдөөн болж байгаагаас гадна олон хүн ядуурлаас болж үхэж байна. Хүн амын дөнгөж 23 хувь нь ундны цэвэр усаар хангагддаг бөгөөд насанд хүрсэн хүмүүсийн 24 хувь нь бичиг үсэгтэй юм. Энд нэг доллар олохын тулд дунджаар гурван цаг хагас ажиллах хэрэгтэй болно.

Мөн Тажикистан, Узбекистан, Киргизстан зэрэг Төв Азийн бүгд найрамдах улсууд тийм ч өндөр орлого олдоггүй аж. 

3 Ажиллаж болохоор орнууд

Та хагас цаг гаран ажиллаж байж Монгол, Филиппин, Индонези болон Кавказийн орнуудад 1 ам.доллар олох болно.

Харин Орос, Хятад, Турк, Казакстан, Туркмен, Тайланд зэрэг орнуудын иргэд 10-20 минут ажиллахад хангалттай аж.