1
Наполеон Бонапарт
Наполеон нь Корсик-ийн арал болох Аяччо-д төрсөн бөгөөд түүний өвөг дээдэс нь Флоренц-аас гаралтай юм. Тэгэхээр түүнийг Итали гаралтай гэж хэлж болох ба Корсик хүн ч гэж үзэж болно. Тэрбээр сургуульд байхдаа Итали хэл дээр хичээлээ үздэг байсан бөгөөд 10 наснаасаа хойш Франц хэл судалж эхэлжээ. Бонапарт нь Итали, Францын эзэн хаан байсан. Тэрбээр Италийн төрийн далбааг бүтээхэд оролцож, Францын далбааг цэнхэр өнгийг ногоон болгон байжээ.
2
Авраам Линкольн
Америкийн аугаа их ерөнхийлөгчийн нэг бол Авраам Линкольн билээ. Түүнийг залуудаа сайн бөх байсан гэдэг ба хүн бүхэнтэй барилдах дуртай байжээ. Түүгээрээ ч алдаршиж “Бөхийн алдрын үндэсний танхим”-ын хүндтэй нэгнээр тодорч байсан гэдэг. Тэрбээр бусдаас зээлсэн өрөө шударгаар төлдөг байсан учир “Үнэнч Эйб” гэсэн хочтой байжээ.
3
Жанна д’Арк
Түүний амьдарч байсан цаг хугацаанд тайрмал үстэй бүсгүйтэй таарах ямар ч боломжгүй байсан юм. Түүх сударт бичсэнээр Жанна хүмүүсийн янз бүрийн үйлдлийг хүлээн зөвшөөрч, зөвтгөдөг байжээ. Түүний нэг нь тэрбээр урт үсээ тайруулсан явдал юм. Францын баатарлаг бүсгүйг өөд болсноос 500 жилийн дараа Польшийн нэг үсчин түүний үс засалтыг дэлхий нийтэд түгээн алдаршуулсан юм.
4
Альберт Эйнштейн
Аугаа их физикч Альберт Эйнштейн тэртээ 1955 онд биднийг орхин одсон. Тэрбээр артерийн гол судас нь тасарснаас болж нас барсныг эмч Томас Харви-ийн задлан шинжилгээгээр тогтоожээ. Тэрбээр зөвхөн цогцсыг нээгээд зогсохгүй алдарт эрдэмтний тархийг нь занданшуулсан байна. Дашрамд дурдахад энгийн хүний тархи 1400 орчим грамм жинтэй байдаг бол Альберт Эйнштенйи тархи 1230 грамм жинтэй байжээ.
5
Мэрилин Монро
Тухайн цаг үедээ хамгийн үзэсгэлэнтэй, амжилттай байсан энэ жүжигчин тун азгүй бөгөөд хүнд хувь амьдралыг туулсан юм. Түүний ээж нь удаан хугацаагаар сэтгэцийн эмнэлэгт хэвтэж байсан учир Мэрилин асрах газарт бага насаа өнгөрөөжээ. Охин 11 удаа үрчлэгдэж байсан ч бүгд буцааж асрах газарт нь өгч байсан гэдэг.
6
Карл VII
“Хаан үхлээ, хаан урт наслах болтугай” гэсэн алдарт ишлэлийг Карл YII-г хаан ширээнд залрахад буюу 1422 онд анх удаа оршуулгын өмнө хэлж байжээ. Энэ үгийг төрийн эрх мэдэл нэг эзнээс нөгөөд шилжихэд хэлэгддэг байна.
7
Чарлз Дарвин
Байгаль судлаач, эрдэмтэн Дарвин нь биологийн тусгай боловсрол эзэмшээгүй гэдгийг цөөхөн хүн л мэдэх байх. Дарвин дунд сургууль төгсөөд гэр бүлийнхээ уламжлалаар Эдинбургийн их сургуулийн анагаах ухааны салбарт элссэн ч тун удалгүй гарахад хүрчээ. Шалтгаан нь ердөө Дарвин цус үзэж чаддаггүйд байсан юм.
Дарвин олон нээлт хийсэн хэдий ч хүн бичнээс үүссэн гэдгийг хэзээ ч батлаж байгаагүй. Тэр хүн болон бич хоёрт төстэй нийтлэг өвөг бий, гэхдээ энэ нь зарчмын хувьд огт өөр зүйл гэж үздэг байжээ.
8
Юлий Цезарь
Юлий Цезарь хаа ч явсан толгойдоо цэцгийн хэлхээ зүүж явдаг байсан. Энэ нь ердөө түүний халзан толгойгоо л нуух гэсэн эрмэлзэлтэй нь холбоотой байсан юм.
9
Испанийн хаан Альфонсо XIII
Түүний хааны ордны хашаанд төрийн дуулалч гэх тусгай хүн байдаг байжээ. Альфонсо XIII нь хөгжмийн ямар ч сонсголгүй хүн байснаас гадна төрийнхөө дууллыг бусад аянаас ялгаж чаддаггүй байжээ. Тиймээс төрийн дуулалч нь эзэн хаандаа төрийн дуулал эгшиглэх гэж байгааг урьдчилан сануулах үүрэгтэй байсан гэдэг.
10
Хенри Форд
Алдарт Хенри Фордын компани эрүүл мэндийн хувьд хязгаарлагдмал хөгжлийн бэрхшээлтэй хүнийг ихээхэн ажилд авдаг байжээ. 1917 онд тус компанид хөгжлийн бэрхшээлтэй 6000 хүн ажиллаж байсан нь цаашдаа ч уламжлал болж өвлөгдсөн юм. Форд хөгжлийн бэрхшээлтэй хүмүүс нэг төрлийн ажил хийхдээ илүү сайн бэлтгэгдсэн байдаг гэж үздэг байжээ.
11
Христофор Колумб
Дэлхийг тойрсон алдарт Колумб тун шартай хүн байсан гэнэ. Түүний нөхөд нэг удаа Колумба-д шинэ тив нээх тийм ч хэцүү зүйл биш шүү дээ гэж хэлжээ. Испанийн далайчинд тэр нь огт таалагдаагүй бөгөөд Колумб тэднээс өндгийг ширээн дээр босоогоор нь тогтоо гэжээ. Мэдээж хэн ч тогтоож чадсангүй. Дараа нь Христофор Колумб өндгийг босоогоор нь хүчтэй эргэлдүүлж харуулаад “За харав уу, шинээр тив нээх ийм л амархан байсан юм даа” хэмээсэн гэдэг.
12
Вольтер
Түүхийн сударт бичсэнээр Францын гүн ухаантан, жүжгийн зохиолч Вольтер кофенд маш их дуртай, өдөрт 50 аяга кофе уудаг хүн байсан гэдэг. Гэхдээ энэ нь та бидний мэдэх кофе биш, шоколад-кофений шүүс байсан юм шүү. Тийм өтгөн ундааг их уудаг байсан учир хүмүүс гүн ухаантныг богино насална гэцгээдэг байсан ч тэрбээр 83 насалсан билээ.
