Биеийн доод хэсгийн булчингуудыг ажиллуулж 15 удаа босож сууснаар 500 удаа гэдэсний дасгал хийсэнтэй тэнцэх хэмжээний үр дүн гардаг.

1 Босож суух нь гоо сайханд сайнаар нөлөөлдөг шалтгаанууд

Үнэндээ сууж босох дасгал хийх үед хүний тархинаас залуужуулагч гормон ялгарч байдаг. Энэ гормон нь өөх тосыг задалж, арьсыг сэргээн төлжүүлэх ид шидтэй юм. Сайхан арьстай болохын тулд "үнсгэлжингийн цаг” буюу унтсаны дараах эхний 3 цаг хамгийн чухал үүрэгтэй гэдэг нь энэ хугацаанд залуужуулагч гормон ид ялгардагтай холбоотой юм. Гоо сайханд хамгийн чухал нөлөө үзүүлдэг энэхүү гормон нь таныг нойрсож байхад төдийгүй дасгал хөдөлгөөн хийсний дараа ч ялгардаг байна. Түүгээр ч зогсохгүй хөдөлсний дараа ялгарах хэмжээ нь ердийн үеийнхээс 100-300 дахин илүү байдаг аж.

Гэхдээ хүн бүр өөр байж болох ч бидний биеийн булчингийн 70 хувь нь доод хэсэгт байдаг. Тэгэхээр босож суух нь тэр хэсгийн булчинг тэнцвэртэй ажиллуулдаг учир залуужуулагч гормоныг ихээр ялгаруулахад чухал үүрэгтэй дасгал юм.

2 Зөв хийх дараалал:

Хөлдөө мөрний хэмжээтэй зай аваад, гараа урдаа барих юм уу сунгана.

Аажуухнаар доош суугаад хоёр гуя тань шалтайгаа параллель байхаар сууж өгнө. Энэ өвдөг өлмийнөөс илүү гарахгүй 90 градус байх ёстой гэсэн үг.

Энэ байдлаа 3 секунд бариад буцаад аажуухнаар дээш босно.

Хурдан үр дүнг нь харахын тулд хэт олон юм уу хэт хурдан хийх нь булчинд ачаалал өгч эсрэгээрээ бүдүүн гуятай болох талтай. Тиймээс өөрт тааруулж хийх нь чухал. Ямар ч зардал гаргахгүйгээр өөрт хөнгөнөөр залуужуулах дасгалаа одооноос эхлэхэд юу нь болохгүй гэж.