1
Шаар
Шаар нь мэдээж хүүхдүүдийн дуртай тоглоом боловч бага насны хүүхдээр шаар үлээлгэх нь тийм ч сайхан санаа биш. Учир нь хүүхэд шаар үлээж байгаад залгисан тохиолдол маш олон байдаг. Тийм учраас хүүхдээ шаараар тоглуулах гэж байгаа бол та өөрөө үлээж өгөх хэрэгтэй.
2
Тэжээвэр амьтны хоол
Амьтны хоол хүнд хоргүй ч хүүхдийн ходоод сайн шингээж чаддаггүй учир тэжээвэр амьтныхаа хоолыг идээд хордлогод орох нь элбэг байдаг. Мөн нохойн хоол том ширхэгтэй байдаг учраас хүүхдийн хоолойнд тээглэх магадлал өндөр.
3
Нисдэг тоглоом
Сүүлийн үед дрон мэтийн нисдэг тоглоомыг хүүхдүүд гэлтгүй эцэг эхчүүд ч сонирхох болсон. Гэвч дрон нисгэж байхдаа өөрийгөө сэнсэнд нь зүсүүлсэн хүүхдийн тоо нэмэгдэж байгаа учраас болгоомжтой байхыг эцэг эхчүүдэд анхааруулж байна.
4
Тоглоомны авдар
Хүүхдүүддээ тоглоомоо хийх зориулалтын сав авч өгөх хэрэгтэй. Учир нь зориулалтын бус савнаас тоглоом авахдаа хүүхдүүд гар хөлөө хавчуулах, дотор нь орж гацах магадлал өндөр байдаг.
5
Тасалгааны ургамал
Гэртээ цэцэг тарих нь мэдээж сайхан ч хүүхэд тэрхүү ургамлыг шохоорхон идэж болно. Харин зарим тасалгааны ургамал хортой байдаг бөгөөд харшил өгч ч магадгүй. Тиймээс ургамлуудаа хүүхдээс хол тавих хэрэгтэй.
6
"Тэсэрдэг" чихэр
Төрөл бүрийн хүчиллэг буюу "тэсэрдэг" чихрийг хүүхдүүд дуртай нь аргагүй иддэг. Гэвч тэдгээр чихрийг их хэмжээгээр идсэн хүүхдүүдийн ам, хэл түлэгдэж цоорсон тохиолдол цөөнгүй гарсан учраас тэдгээр чихрийг хүүхэддээ авч өгөхгүй байхыг зөвлөе.
