Цагаан гааны ач тус:
Цагаан гаа нь найрлагандаа С, В6 витамин болон эрдэс бодисуудыг агуулдаг бөгөөд өвдөлтийг намдаах, амьсгалын замын өвчнүүдийг эмчлэх тустай байдаг байна.
Цагаан гааг хэрхэн хэрэглэх вэ?
Цагаан гааг салат, соус болон нарийн хоолонд хийхэд тохиромжтой байдаг. Түүнчлэн атиоксидант үйлчилгээтэй тул шампунь, арьс арчилгааны бүтээгдэхүүний найрлагад орох нь бий. Харин цагаан гааны цорын ганц эсрэг заалт бол биеийн температурыг өсгөдөг явдал юм. Тиймээс цагаан гааг:
- Өндөр температурт болгох
- Жирэмсэн эхчүүд хэрэглэх
- Бага насны хүүхэд
- Цусны даралт өндөртэй хүмүүс хэрэглэж болдоггүй байна.
Цагаан гаатай усыг хэрхэн бэлтгэх вэ?
Орц:
- 4 аяга буюу 1 литр ус
- 4 халбага зорж жижиглэсэн цагаан гаа /40 гр/
- Бэлтгэх арга:
- Усаа буцалгаж, цагаан гаагаа хийнэ.
- 10 минут буцалгасны дараа 15 минут хөргөнө.
- Дараа нь цагаан гаагаа шүүж авна.
Цагаан гаатай усыг халуун, хүйтэн аль алинаар нь ууж болно.Түүнчлэн цэвэр зөгийн балтай хольж ууж болно.
Энэхүү цагаан гаатай усны ач тус нь:
1
Бодисын солилцоог сайжруулна
Цагаан гаа нь халуун шинж чанартай учраас хүний биеийн бодисын солилцоог сайжуулж, өөх шатаах үүргийг гүйцэтгэдэг байна. Тийм ч учраас хоолны дэглэмийн үеэр цагаан гааг хэрэглэх нь маш тустай.
2
Хоолны шингэцийг сайжруулна
Цагаан гаа нь найрлагандаа эслэг агуулдаг болохоор хоолны шингэцэд сайнаар нөлөөлдөг байна. Мөн биеэс илүүдэл бодисуудыг гадагшлуулахад туслаж, гэдэс, ходоодыг цэвэрлэх үйлчилгээтэй байдаг.
3
Антиоксидант үйлчилгээтэй
Антиоксидант үйлчилгээтэй тул зүрх, судасны үйл ажиллагаанд сайнаар нөлөөлөх бөгөөд судас бөглөрөх аюулаас сэргийлнэ. Түүнчлэн үс бэхжүүлэх, ургуулах, тэжээл өгөх тустай.
4
Холестриний түвшинг бууруулна
Цусан дахь холесстриний түвшинг бууруулснаар судас бөглөрөх аюулаас сэргийлдэг.
5
Үрэвслийн эсрэг үйлчилгээтэй
Цагаан гаатай усны найрлага нь үрэвсэл, өвчнийг намдаах үйлчилгээтэй байна. Тухайлбал, булчингийн өвдөлтийг намдаахын сацуу үе мөчний өвчинд онцгой сайн нөлөөтэй.
Цагаан гаатай ус нь олон талын ашиг тустай тул өдөр бүр хэрэглэж хэвшицгээе!
