1
"Органик" цэвэрлэгээ
"Цэвэрлэгээ, үйлчилгээний салбарт экологид ээлтэй хэмээх ойлголтыг ихээхэн чухалчилж авч үздэг учраас "Байгальд ээлтэй", "Органик" зэрэг үгнүүдийг тод томруунаар бичсэн байдаг" хэмээн хими цэвэрлэгээний газар олон ажил ажилласан Стив Бүрштейн (Steve Boorstein) өөрийн "clothingdoctor.com" цахим хуудсанд болон "Clothing Care: The Clothing Doctor’s Secrets to Taking Control" хэмээх шинэхэн гаргасан DVD дээрээ дурджээ. Тетрахлорэтилени нь хамгийн түгээмэл хэрэглэгддэг бодис бөгөөд үүнийг "ExxonMobil"-ийн үйлдвэрлэсэн DF-2000 хэмээх бодисоор ихэвчлэн орлуулан хэрэглэдэг юм. Энэхүү бодис нь нүүрс төрөгчийн суурьтай тул химичдийн хувьд бараг л "органик" гэж тооцогддог. АНУ-ын байгаль орчны яамнаас нүд, арьсанд учруулах эрсдэлийг нь тооцоолон үздэг. Гэтэл уг бодисыг дангаар нь хэрэглэхэд тетрахлорэтилени шиг сайн цэвэрлэдэггүй учраас нэмэлтээр өөр бодисуудыг хийдэг байна.
2
Арьсан эдлэлийг хэрэглэхээсээ өмнө цэвэрлүүлэх
Арьсан эдлэлийг хавар эсвэл зуны улиралд цэвэрлүүлсэн нь танд илүү ашигтай байх боломжтой. Учир нь арьсан эдлэлийн мэргэжилтнүүд намрын саруудад маш их ачаалалтай ажилладаг учраас намрын улиралд өгсөн зүйлсийг тийм ч их анхаарч цэвэрлэдэггүй ажээ.
3
"Цэвэрлэгээг төв дээр хийнэ"
Хими цэвэрлэгээний газруудын 10-15 хувь нь л бүх төрлийн үйлчилгээг үзүүлэх хүчин чадал бүхий тоног төхөөрөмжтэй байдаг. Жижиг, хувийн хэвшлийн хими цэвэрлэгээний газрууд нь арьсан эдлэл, гар цүнх, хуримын даашинз зэргийг цэвэрлэхэд тохирсон шаардлагатай техник хэрэгслээр дутмаг байдаг байна. "Хэрвээ танай цэвэрлэгээний газар жилд 50 гар цүнх л цэвэрлэх хүчин чадалтай бол хэрхэн мэргэжлийн түвшинд хийхийг хэзээ ч сурахгүй" хэмээн Калифорни мужийн Ла Жолла дахь "Margaret’s Cleaners" газрын захирал Чак Хорст (Chuck Horst) хэлжээ. Тухайн хими цэвэрлээгээний газарт шууд цэвэрлэдэг эсвэл өөрсдийн гэсэн байртай газруудыг сонгох хэрэгтэй хэмээн тэрээр иргэдэд зөвлөсөн байна.
4
Гэрчилгээтэй байлаа гээд бүх зүйл болчихгүй
АНУ-д "The Drycleaning & Laundry Institute"-ээс албан ёсны шалгалт, шинжилгээг давсан газруудад "Итгэмжлэгдсэн" гэсэн утга бүхий гэрчилгээг олгодог байна. Тодорхой шаардлага хангасан төвүүдэд “Award of Excellence” өргөмжлөлийг өгдөг аж. Хэдийгээр энэ нь юу ч үгүй байхаас дээр боловч чадвар, чадамжийг илэрхийлэх хүчин зүйл болж чадахгүй гэдгийг санаарай.
5
Хуурай цэвэрлэгээний газруудын ихэнх нь "хуурай" байдаггүй
"Бид нийт үйлчилгээнийхээ 24 хувийг усанд хийдэг" хэмээн Чак Хорст хэлсэн байна. Хөлсний үнэр, толбо өөр ямар ч аргаар арилдаггүй аж.
6
Эд хөрөнгө алга болох
2006 оны хувьд "Better Business Bureau"-д хими цэвэрлэгээний газартай холбоотой 4455 гомдол ирснээс ихэнх нь хүний хувцас алга болсон эсвэл гэмтэж урагдсан эд зүйлийн тухай байжээ. Эдгээр гомдлын дөнгөж хагасыг нь шийдвэрлэсэн гэсэн судалгаа байдаг бөгөөд зарим тохиолдолд хувцаснууд солигддог бол заримдаа анхнаасаа өгөөгүй эдлэлээ үйлчлүүлэгчид нэхдэг байна. Ийм асуудал гарахаас сэргийлэхийн тулд цэвэрлэгээний төвүүд хяналтын камер суурилуулж эхлээд байгаа юм.
7
Эмэгтэй хувцас
Эмэгтэй загварын хувцас хэрэглэлүүд нь илүү түвэгтэй загвартай буюу хайчилсан, зүйсэн, гоёл чимэглэл ихтэй байдаг учраас өртөг нь өндөр, илүү их анхаарал шаарддаг байна.
8
Тетрахлорэтилени
Энэ бодис нь хорт хавдар үүсгэх магадлалтай боловч бидэнд одоогоор байгаа хамгийн сайн цэвэрлэгээний бодис юм.
9
Органик бүтээгдэхүүнүүд
"Силикон суурьтай цэвэрлэгч нь илүү эрүүл бөгөөд байгальд ээлтэй гэдэг ч тетрахлорэтилени болон нүүрс устөрөгч шиг бүх төрлийн толбыг арилгадаггүй" хэмээн "clothingdoctor.com"-ийн Стив Бүрштейн өгүүлжээ.
10
Мартсан эд зүйл
Зарим хүмүүс ор хөнжил, дэр зэргээ хими цэвэрлэгээнд өгөөд мартчихдаг гэнэ. Тиймээс ч заримдаа ийм төвүүд гэр ахуйн дэлгүүр шиг харагддаг байна.
11
Хувцас хэрэглэл гэмтэх
Бид хувцас эдлэлийн гэмтэл, урагдалт зэрэг асуудалд хими цэвэрлэгээний төвийг буруутгадаг бол хими цэвэрлэгээний төвүүд бидний хувцасны материалыг буруутгадаг. Гэвч бид түүнээс сэргийлж л мэргэжлийн хүмүүст хандаж байгаа шүү дээ.
12
Нөхөн төлбөр
Нэг жил өмссөн цамцны нөхөн төлбөрт та шинэ цамцны 40 хувьтай тэнцэх мөнгөн хураамж авах ёстой хэмээн олон улсын хуульд заажээ.
13
Алга болсон хувцас
Ихэнх байгууллага мэдээж мөнгө өгөхийг хүсэхгүй. Тиймээс ч ямар нэг аргаар хувцсыг тань олохыг хичээх болно. Харамсалтай нь таны хувцас аль хэдийнэ өөр нэг хүний шкафанд орсон байх вий.
14
Дахин ашиглах
Хувцасны өлгүүр болон дахин хэрэглэгдэх боломжтой бусад бүх зүйлийг дахин хэрэглэдэг.
15
Хими цэвэрлэгээний ажилчид
Хими цэвэрлэгээний тоног төхөөрөмжүүд нь өртөг өндөртэй байдаг тул ихэвчлэн гар ажиллагаагаар үйлчилгээнүүдийг хийдэг. Харин таны цамцыг индүүдэх хүн цагт 20 ам.долларын цалин авдаг.
16
Хувцсыг тань өмсөх
Хими цэвэрлэгээний ажилчид таны цэвэрлүүлэх гэж өгсөн хувцсыг өмсдөг талаар та өмнө нь сонсож байсан уу? Хэдийгээр онцгүй сонсогдож байгаа ч энэ бол үнэн. Харин буцааж өгөхдөө мэдээж цэвэрлэсэн байдаг.
17
Чанар
Хамгийн сайн чанартай хувцас зардаг дэлгүүрүүд хамгийн чанартай хими цэвэрлэгээний газруудыг мэддэг.
