Таны таргалалт ямар шалтгаантай болохоос шалтгаалж тус бэлдмэл үр дүнгээ үзүүлэх болно. Хэрэв чихрийн шижин болон, зүрх судасны өвчнөөс шалтгаалсан таргалалттай бол сэтгэлд хүртэл үр дүн үзүүлэхгүй болохыг анхаарна уу.

Орц:

Шанцай - 1 цайны халбага
Нунтаг цагаан гаа - 1 цайны халбага
Цагаан цуу - 1 цайны халбага
Нимбэгний шүүс - 2 цайны халбага
Яншуй - 1 боодол
Ус - 500 мл

Хийх арга:

Саванд усаа хийж, дээр нь шанцайгаа хэрчиж хийнэ. Үүнийгээ холигчид хийж, хооронд нь сайтар хутгах хэрэгтэй. Бэлдмэл дээрээ нунтаг цагаан гаа, 1 цайны халбага нунтаг шанцай хийж, дахин холино. Ингээд дээр нь ахин нимбэгний шүүс болон цагаан цуугаа хийж өгнө. Үүнийгээ дахин холигчинд хийж сайтар буталсны дараа орой унтахаасаа өмнө уугаарай.

Орцуудын ашиг тус:

Цагаан гаа: Цагаан гаа нь халуун ногооны төрөлд багтдаг. Шүүрлийг сайжруулж, гэдэсний цусан хангамжийг өсгөдөг учраас биеийн бодисын солилцоог түргэсгэдэг байна. Эфирийн тосоор баялаг тул бодисын солилцоог идэвхижүүлснээр өөхний эдүүдийг түргэн шатах нөхцлийг бүрдүүлдэг. Түүнчлэн цагаан гаа хэрэглэвэл арьс залуужиж, тунгалаг сайхан болдог ажээ. 

Шанцай /синнамон/: Энэхүү амтлагчийг илүүдэл жингээ хасах хүсэлтэй хүмүүст саяхнаас зөвлөх болсон боловч үр дүнгээрээ гайхуулж байна. Цусан дахь сахарын хэмжээг бууруулснаараа өөхний хуримтлалыг задлахад тусалдаг. Шанцайг цай, кофе, тарагтай хамт хэрэглэж болно. Нэг аягатай буцлам халуун усанд ½ цайны халбага шанцай хийгээд, нэг халбага зөгийн балтай холивол тансаг амт таргалалтайн эсрэг зэвсэг хоёрыг нэг дор хэрэглэнэ гэсэн үг.