1
Блефарит үрэвсэл гэж юу вэ?
Блефарит гэдэг нь зовхины ирмэгийн архаг явцтай үрэвсэлт өвчин юм. Нүд загатнаж, улайж, хавдах зэрэг шинж тэмдэг илэрнэ. Энэ нь маш түгээмэл үрэвсэл тул үргэлж болгоомжтой байх хэрэгтэй.
Шалтгаан
Энэ нь нүдэнд төрөл бүрийн аюулт бактер, нян орсноос болж үүсдэг өвчин юм. Контакт линзийг буруу хэрэглэх, бохир гараараа нүдээ нухлах, дархлаа сулрах зэргээс үүдэж бий болох бөгөөд энэ нь хүндэрвэл төрөл бүрийн өвчний үндэс суурь болох нь бий.
2
Илрэх шинж тэмдэг
- Энгийн блефарит: Зовхи улайж, хавагнана
- Шархлаат блефарит: Ихэнхдээ энэ хэлбэр нь архаг стафилококкын гэмтэлтэй холбоотой бөгөөд бидний дархлаа сулрах үед үүсдэг. Үрэвсэл нь гол төлөв үсний фаллолд орсон байдаг. Өвчин нь удаан хугацаагаар үргэлжилж, сормуусны бүрэн алдагдалд хүргэх аюултай.
- Себорейн блефарит: Өвчний харьцангуй хялбар хэлбэр. Сормуусыг гэмтээж, хаг үүсгэж, маш хэврэг болгоно. Мөн зовхи улайж, сормуусны уг хэсэг бөөн бөөнөөрөө наалдаж, үрэвсэнэ.
- Мейбомын цусархаг үрэвсэл: Энэ нулимсны гаралтыг хариуцдаг нүдний "meiobium" булчирхайн гэмтэл бөгөөд хүн хатах, хуурайших мэдрэмж төрдөг.
- Улаан блефарит: Зовхинд ягаан өнгийн жижиг бөмбөлөг үүсч, шингэн болон агаараар дүүргэдэг.
- Демодектик блефарит: Сормуусны үндсийг бичил харуурын үзлэгээр илрүүлэх замаар оношлогддог.
- Харшилт блефарит: Эмийн бодис, үнэртэн, гоо сайхан, тоос шороо, цэцгийн тоос зэргээс харшилж, нүд үрэвсдэг.
3
Эмчилгээ
Хэрвээ танд дээрх шинж тэмдгүүд илэрсэн бол өөрөө эмчлэх гэж бүү оролдоорой. Харин үүний оронд нүдний эмч дээр очиж, зөвлөгөө авах хэрэгтэй. Блефарит эмчлэх тусгай арга, эмчилгээ гэж байх бөгөөд үүнийг дагаж биелүүлснээр, тус өвчнөөс салж чадна.
