1 Аяга ашиглан уруулаа томруулах

Зөвлөж байгаа нь: Уруулыг том харагдуулахын тулд уруултайгаа ойролцоо хэмжээтэй шилэн аягыг сонгож, амаа дүрэн сорох хэрэгтэй. Аяган дахь агаарыг сорсноор, уруул хавдаж, том харагдах болно.
Туршиж үзсэн нь: Үр дүнд нь уруулын эргэн тойронд улайж, маш муухай харагдаж байсан. Магадгүй зарим нэг туршиж үзсэн хүмүүсийн хувьд үр дүнтэй байж болох ч, хэт хүчтэй сорвол уруул эсрэгээрээ маш их  өвдөнө.
Дүгнэлт: Энэ арга тийм ч үр дүнтэй биш юм. Та өөрийнхөө үзэсгэлэнтэй уруулыг хүлээн зөвшөөрөх хэрэгтэй.

2 Нүдэн доорх хөхрөлтийг уруулын будаг ашиглан дарах

Зөвлөж байгаа нь: Нүднийхээ доор хөхөрсөн хэсэгт уруулын будаг түрхэж, өө дарагчаар далдлавал мэдэгдэхгүй болох болно.
Туршиж үзсэн нь: Нүдэн доорх хөхрөлт дарагдсан ч үзэмжгүй улаан өнгө арьсанд үлдэх болно. Яг л Кабуки театрийн жүжигчин шиг харагдаж байгаа биз?
Дүгнэлт: Жүжигт тоглох гээгүй л бол энэ аргыг хэрэглэх шаардлагагүй.

3 Утас ашиглан контур тавих

Зөвлөж байгаа нь: Нарийн утсыг нүдэн дээрээ тавьж, дээрээс нь контураар зурвал, илүү нарийн, хэлбэртэй харагдах болно.
Туршиж үзсэн нь: Хэчнээн хичээсэн ч утас таны хүссэн хэлбэрээр нүдэн дээр тань тогтохгүй.
Дүгнэлт: Энэ арга нь бүтэхгүй.

4 Сэрээ ашиглан хамраа өндөрлөх

Зөвлөж байгаа нь: Хамрын өндөрлөгөөг тэгшхэн зурахын тулд сэрээ тавьж байгаад хоёр талыг нь будаарай.
Туршиж үзсэн нь: Зөв өнгөө сонгож, хөнгөн дарж будахгүй бол хамар үнэхээр аймшигтай харагдаж байна.
Дүгнэлт: Энэ аргыг хэрэглэснээс нүдэн баримжаагаараа зурсан нь илүү дээр юм.

5 Өнгийн харандаа ашиглан тень тавих

Зөвлөж байгаа нь: Өнгийн харандааг халуун усанд хэсэг байлгаж байгаад зөөлрөнгүүт нь нүдээ будаарай.
Туршиж үзсэн нь: Будалт хэтэрхий өнгөлөг, түүнчлэн хатангуутаа нүднээс хуурч унаж байв.
Дүгнэлт: Энэ нь тийм ч найдвартай арга биш юм.

6 Хацар өнгөлөгчийн оронд хүрэн манжин хэрэглэх

Зөвлөж байгаа нь: Хүрэн манжинг дундуур нь хувааж, хацран дээрээ тавих.
Туршиж үзсэн нь: Улаан өнгө тогтсон ч гэсэн хэтэрхий тод бөгөөд хүрэн манжингийн шүүс нь арьсанд маш сайн шингэж, сайн угаахаас нааш арилахгүй.
Дүгнэлт: Хүрэн манжинг маш хөнгөн, эвтэйхэн дарахгүй бол харшилтай юм шиг л харагдах болно.

7 Сахлын хөөс ашиглан скраб тавих

Зөвлөж байгаа нь: Эрэгтэй хүний сахлын хөөсийг нүүрэндээ түрхэж, хэсэг байлгасны дараа угааж цэвэрлэнэ.
Туршиж үзсэн нь: Энэ скрабыг тавиад арьсанд ямар ч өөрчлөлт ороогүй. Түүнчлэн нүүрэндээ түрхэхийн тулд маш их сахлын хөөс хэрэгтэй тул илүү хямд арга бодож олох хэрэгтэй.
Дүгнэлт: Туршиж үзэх шаардлагагүй.

8 Хумсны өнгийг цайруулахын тулд нимбэг ашиглах

Зөвлөж байгаа нь: Хумсан дээрх толбо, өнгөрийг арилгахын тулд нимбэгний шүүсийг хөвөнд шингээж, хумсан дээрээ тавиад, тугалган цаасаар ороогоод 10-15 минут болгох.
Туршиж үзсэн нь: Хумсанд ямар ч өөрчлөлт ороогүй.

Дүгнэлт: Энэ арга нь ямар ч үр дүнгүй юм.

9 Хуурай энгэсэгний оронд гурил түрхэх

Зөвлөж байгаа нь: Дээд гурилыг энгэсэгний багсаар нүүрэндээ түрхэх.
Туршиж үзсэн нь: Гурил нь арьсанд шингэхгүй бөгөөд нүд, ам, хамар руу орж байв.
Дүгнэлт: Энэ аргыг туршиж үзсэний хэрэггүй.

10 Банкны карт ашиглан контур тавих

Зөвлөж байгаа нь: Банкны картыг нүднийхээ доор тавьж байгаад контур зурах.
Туршиж үзсэн нь: Контур тавьсны дараа нүдний хэлбэртэй огт зохицолгүй харагдаж байв.

11 Нарийн скоч ашиглан хөмсгөө будах

Зөвлөж байгаа нь: Хөмсгөө зөв хэлбэртэй будаж чаддаггүй хүмүүс хөмсөгнийхөө зөв будах ёстой хэлбэрийг тааруулж, скоч нааж байгаад будах.
Туршиж үзсэн нь: Хөмсөгний будалт хэтэрхий хурц өнгөтэй болсон тул зохимжгүй харагдаж байна.

Интернетээс харсан нүүр будах хялбар аргуудаа туршиж үзэхийнхээ өмнө дахин нэг бодож үзээрэй!